Вәгазь сыйфатын яхшыртабыз. Мәңге яшәргә теләүчеләргә шәкертләр булып китәргә булышабыз

НИ ӨЧЕН БУ МӨҺИМ? Кеше «хакыйкатьне кабул итәргә әзер» булса, Йәһвә хакыйкать орлыклары аның йөрәгендә үссен өчен булыша (Рс 13:48; 1Кр 3:7). Без, Аллаһы белән хезмәттәшлек итеп, беренче чиратта, алган белемнәре буенча эш итәргә әзер кешеләргә игътибарыбызны туплыйбыз (1Кр 9:26). Изге Язмаларны өйрәнүче шуны аңларга тиеш: котылыр өчен суга чумдырылу үтәргә кирәк (1Пт 3:21). Өйрәнүчебезгә шәкерт булып китәр өчен, тормышында үзгәрешләр ясарга, вәгазьләргә һәм өйрәнүләр үткәрергә, шулай ук тормышын Йәһвәгә багышларга булышыйк (Мт 28:19, 20).

МОНЫҢ ӨЧЕН НӘРСӘ ЭШЛӘРГӘ?

• Өйрәнүченең исенә төшереп тор: өйрәнү максаты — аңа Йәһвә турында белем алу һәм ул хуплаганны эшләү (Ях 17:3)

• Аңа рухи яктан үсәргә булыш: авырлыкларны кичерергә, мәсәлән, начар гадәтләрне һәм шикле дусларны ташларга ярдәм ит

• Суга чумдырылганчы да, аннан соң да аны дәртләндереп һәм ныгытып тор (Рс 14:22)

«СИҢА ЙӘҺВӘ АЛЛАҺЫ ЯРДӘМ ИТӘР» ДИГӘН ВИДЕОРОЛИКНЫ КАРАП, МОНДЫЙ СОРАУЛАРГА ҖАВАП БИРЕГЕЗ:

• Өйрәнүчегә нәрсәдән курку багышланырга һәм суга чумдырылу үтәргә комачаулый ала?

• Өлкәннәр өйрәнүчеләргә рухи яктан үсәргә ничек булыша ала?

• Ишагыя 41:10 да Йәһвә турында нәрсә әйтелә?

• Камилсез булсак та, Йәһвәгә тиешенчә хезмәт итәргә нинди сыйфатлар булыша ала?