Joŋ joŋre de jag liŋgi maaga Baa hã ti yii mono

SEN go tinoo tu ga kado maaga Baa hã ra ne naa wer sar sar wo de cõõre jag ɓo, lan ɗeŋ maaga ndo maŋ ɗiggi maa joŋ joŋre de ɓaara de cõõre jag ɓo. Woore ɓen so diŋ ga Bible wãã ga yii diŋ kado maaga ale ni Baa. Day se wãã pa ga : “à joŋ rege diŋ maa fege, yii kol duniyãn go de fruygi” (Ekl. 10:19; Siŋ 104:15). Naa de koge ga yii fruy ɓili, amaa, se maŋ re ne jar maa po wo ti debaŋ lay. Day pa, jar ɗig sar sare, hã jag liŋgi sar sar ti yii ti ngeel maaga saara da’ see ɓaara ni mono. Day, mayse kay krétiyẽ wo maa maŋ ɗiggi maa de woore ti joge yii là?

Naa mo hay ba ti ngeel maa hõnla noga ti wer maa hõnla ɓuy, naa yaŋ laa ɗiggi Baa ti joge yii, ga bay koge diŋ ɗiggi jar maa ti jeŋ naan wo wa no, sen kay naa yaŋ debaŋ, lan ɓo’ naa ti faage maa da’ tenen maa tumn lay.

Doo maaga nday de koge ɓe ne mono, jar ngaɓa jo yii seɓaa debaŋ. Jar maa po jo wo yii diŋ maa caa see ɓaara go. Jar maa po jon wo diŋ maa yõõ ti re maa see ɓaara wo go. Jar maa po jon wo diŋ maaga ko ga saara yaŋ ɓe tware noga twãy.

Amaa maa krétiyẽ wo de jag liŋgi ɓaara maaga ale ni Baa, jee joŋ ra ge no. Doo maaga á ɓo’ sug naa ti re maa de baywoore ga ale wer yii maaga à jon debaŋ mono. Jag jõõ wo 23:​29-​35 ngaɓ joŋre jobo maaga go de taage de yii, lan re maaga taage de yii a de ɓe ne hẽn ti mono.a Daniyel jee maa pel tayge po ɓil sir Erop fer ɗiggi ti naw ɓe maaga se hay bay de kolge go diŋ krétiyẽ maa cwãy wa ɗa ga: “joge yii debaŋ hay kaŋ wer ɓi far ɗiggi maa de baywoore wo lan joŋ fẽẽre maa de baywoore wo; day de maaga ndi ɗig we ti ɓe ɗa no, ɓil ɓi sõõ debaŋ.”

Naa joŋ joŋge maa far ɗiggi maa de woore wo ti joge yii, lan maa ɗeege go see re maaga a wo le wer ɓe là? Saŋgu ɓen diŋ ga naa mo men jag liŋgi maa ni Jeofan koɗ ɗiggi naa wo de joŋre naa.

Naa ko wee maaga Bible wãã ti yii, lan ti fẽẽre maaga kaŋ wo wer naa joge ɓe mo ɗa.

BIBLE WÃÃ TI JOGE YII GA HÃYLÀ ?

Wããre Baa bay caa põõ joge yii maa me’me’ wa. Bible wãã ba yaw ga joge yii diŋ mopo maaga hã fruygi. Naa jaŋ ni ga: “re hoole ɓo de fruygi, day wo jo yii ɓo jag ɓo de ele” (Ekl. 9:7). Yeso hay jo yii doo krétiyẽ maa goŋ Baa maa de deelen wo no lay​—Mat. 26:​27-​29; Lug 7:​34; 1 Tim. 5:​23.

Bible bay maŋ jag joge yii go wa. Amaa, se maŋ jag taage de ɓe go. Day á wãã go de woore tu ga: “ taɗ we de yii wa” (Efe. 5:​18). Se wãã go pah pa ga “jar taɗge de yii. . . da’ ge wo ngel lagge ti twãywaŋ maa[ ]ni Baan ga hase” (1 kor. 6:​10). Cwãy tu, Jeofa caa põõ joge yii wo de taɗge de ɓen go. Ɗawa naa mo men ɗiggi Jeofa maa ti yii koɗ naa, ti maaga naa joŋ joŋre de wããre maaga jar maa ti wer naa wãã wo mono.

Jar maa po ɗig wo ga saara mo jo ba mbe yii pur laybla, á taa saara ga. Amaa, á diŋ rew maa de hã debaŋ. Wããre Baa wãã go de woore ga kolge “gebee yii” kaŋ wer jobo joŋ ɓlagge maa kwũy see Jeofa, lan ɓlag barge ɓaara go de ɓe pa (Tid 2:3; Jõõ. 20:1). Yeso ti see ɓe hay caa põõ ga ‘ ‘taɗge de yii’ ’ maŋ jag jobo go kalge ɓil sir maa defay maa ni Baa no (Lug 21:​34-​36). Mayse kay krétiyẽ wo maa ɗeege go deparday tu see re maaga a wo le wer joge yii là?

KO FẼN MAAGA KAŊ WER ƁO JO YII WO DE ƊEŊ MAAGA NDO JON MONO.

Á diŋ rew maa de hã debaŋ de maaga naa maŋ ɗiggi doo jar maa ti wer naa wo ti ɓaŋ joge yii mono. Krétiyẽ joŋ wo fẽẽre de ko re maa fruy Jeofa ti ɓaŋ rege wo de joge yii. Bible ɓo’ sug naa ga: “Hayga nday re laybla’, nday jo laybla’ noga joŋ may laybla ɓuy we no, joŋ wee ne maa togoɗ Baa” (1 Kor. 10:31). Naa ko wiigi jag wo de verse maaga kay wo naa ɗa:

Ndi jo yii diŋ maaga ndi mo co jag ngaɓan koɗ yawlà? Laage go 23:2 wãã ga: “Ndo tayge wer ngaɓa[n]” ga. Ɓil verse sen la, Jeofa caa põõ ne jar israyel maaga maŋ wo glog jar maaga bay wo joŋ fẽẽre maa de cõõre jag ɓe wa mono. Põõ sen de caage ne krétiyẽ maa waran wo lay. Hayga naa ɓo’ faage we ne jar maaga bay wo goŋ Jeofa wa coo ɗiggi naa maaga naa maŋn ti yii no, maapo ga naa men ge goŋ Jeofa go, lan men joŋ joŋre go de jag liŋgi maa ɓen lay​—Rom. 12:2.

Ndi jo yii na maa ngaɓge ga ndi de ẽgre yawlà? Ti wer jar maa po wo mono, joge yii debaŋ wo boŋ boŋ bay diŋ ɓlagge wa (1 Pi. 4:3). Amaa, naa ko maaga 1 Korente 16:13 wãã mo ɗa: “Lag we go de pũygi, lag we ngiŋ de hã ɓil ɓay ne Kris, lag we go jar kluuri, lag we de ẽgre.” Yii mbe na de kay jobo maa kolge go de ẽgre cwãy yawlà? Ba yaw mono, yii ɓlag ɗiggi wo de joŋre jobo go gus tu. Joge yii debaŋ bay ngaɓge ga jobo de ẽgre wa, amaa ngaɓ go yaw ga á go de dog jage. Esay 28:7 ngaɓ jobo maaga yeeɗ go wer yii doo jobo maa de ma’ nen ti, lan go maa kaŋ wer jar joŋ ɓlagge nono.

Ẽgre maa ti ngeel ɓen ale ni Jeofa. Day se da wããge ga lag go de pũygi, lan ngiŋ de hã ɓili (Siŋ. 18:32). Krétiyẽ maa ti ngeel ɓen joŋ ne diŋ de ooge go de pũygi, lan ooge nen maaga se mo le’ go gesiŋ ti nenterse wa. Yeso naa nen ẽgre sen go de maaga á hay gesiŋ la mono, day jar debaŋ hay hoo sug ti ɓe doo jobo maa de ẽgre lan de coɓge nono.

Ndi jo yii na maa yõõ ti re wo go yawlà? Jee yer siŋ po yer ga: “De maaga ɗiggi ma ngaɓa nduu wo we jiili ɓi gijig mege no, teŋge nen ɓon [Jeofa] kal wo baa ɗiggi ɓi go de fruygi” (Siŋ. 94:19). Hayga jiili ɓo car mo we go ti re po no, kiɗ kayge diŋ see Jeofa bay diŋ de joge yii wa. Ndo da’ kayge sen diŋ de tos Jeofa tum. Jar maa po da’ wo kayge sen diŋ de wii yaŋ jag hẽẽrebe maa de ruggi ti tayge wo. Joge yii maa yõõ ti re wo go hoo ẽgre jobo go nen maaga fẽn maa de el joŋ do ɓe ga so (Ose 4:​11). Danyel, maaga naa wãã le ti ɓe ciŋ la wãã ga: “Ndi hay lawge debaŋ. Ndi hay jo yii maa nii ɗiggi wo go see ɓi, amaa ɗiggi sen hay ya’ wer ciŋ ni yaw; ndi bas barge ɓin wo go daŋge ɓuy, day ndi hay ko see ɓi go hase.” Mayse kay ge Danyel ne? Á wãã pa ga: “Ndi wo koge so ga ndi hay de sãy kayge Jeofa ti, bay diŋ yii wa. Wer kayge maa ni Jeofan, ndi wo ge nii re maaga hay wo gay mege go so.” Jeofa de sãy kay naa ti de maaga naa yaŋ nen re mono, koh naa mo hay ba de kaŋ ɗiggi ga ren taw go ti boŋ ga​—Flp. 4:​6, 7; 1 Pi. 5:7.

Hayga ndo yaŋ jo yii no, ndo de wii jag see ɓo ti wiigi jag maa blam wo la no maa koge ga ndo de joge ɓe debaŋ yaw, baywa yawlà: ‘Jobo ɓi feele ɓi, noga bar ɓi po maa ti nen ɓi hay wãã we me ti joge yii maaga ndi jo ne yaw?’ Hayga yaŋ no, maapo sen da wããge ga joge yii maaga ndo jo ne bay de woore wa, amaa ndo bay de koge ɓe wa. ‘Ndi jon de daŋ maa ɓaan yaw?’ Maapo sen diŋ maa ɓo’ nen ga ndi go de kolge gebee yii. ‘Á bay gus see ɓi maaga ndi mo jo yii wa nen naw po mbag wa yaw?’ Hayga á yaŋ ne no, maapo sen da wããge ga ndo go de kolge diŋ gebee yii. Sen da wããge pa ga ndo de sãy kayge dogda po ti maa ɗiigi go ne re sen ti.

Krétiyẽ maa po bay wo jo yii wa, diŋ do re maaga ale wer ɓe mono. Jar maa po jo wo ga diŋ werga yii bay de cõõre jag saara wa. Hayga bar ɓo po bay we jo yii wa wer sen no, ni ndo mo hay hoo sug ti ɗiggi ɓe sen bay caa kiida ɓe.

Maapo ga ndo de maŋ ɗiggi ga ndo jon me’ me’e, noga ndo jon tum tum ga. Á de el maaga naa de maŋ ɗiggi maa doo sen wo nono. Jar maa po maŋ wo maa ɓaaran ga saara mo jon ɓaale boŋ nen naw renam, noga saara mo jon me’ de maaga saara de rege mono. Jar maa po maŋ wo ɓaaran ga saara jo yii maaga taa wo see ga has ɓuy: maapo ga saara jo mbe yii noga biyere me’e, amaa saara jo yii maa de hãã wo, noga maa de tay nen wo ga. Maaga jobo yaŋ go de maŋ ɗiggi ga se jo ga noga se jo me’ no, sen go gus see ɓe maaga á mo hoo sug ti ɓe. Day Krétiyẽ maa de ruggi maaga maŋ wo ɗiggi sen de hay law wo maaga jar wãã ti saara ga hãylà na wa.

Naa mo hay ɗiggi ti jar lan wo de maaga naa maŋ ɗiggi we ga naa jo yii no. Rom wo 14:21 wãã ga: “Ɗawa ɓen ree nay wa, jo yii wa lay. Men fẽẽre maga kãã wo ma ɓlag hẽn ɓo go day koln go de hugli mo ɓuy wo go.” Day ndo joŋ joŋre de yaŋ sen na joŋge ne? Ɓo’ nen go ne hẽn ɓon ga ndo da ne. Hayga joge yii maaga ndo jon yaŋ hãy ɗiggi jobo no, dage jor mbe glog mbo yaŋ maaga ndo mo jon wa yaw? Diŋ de sen ndo ɓo’nen go ga ndo de dage see hẽẽre ɓon wo, de hooge sug ti ɗiggi ɓaara, bay diŋ de ɗiggi ti se ɓo tawa wa​—1 Kor. 10:24.

Dedaŋ sen pa, maapo ngomna hã jag liŋgi ti joge yii, day krétiyẽ de hoo wo sug ti jag liŋgi se no. Maapo, jag liŋgi sen ngaɓ kiŋgi po ta’ maaga jobo de tõõ joge yii ; noga caa põõ joge yii de maaga ndo de ya’ mooda, noga pa yaŋ hẽg macin po no​—Rom. 13:​1-5.

Jeofa hã ɗeŋ maa joŋ fẽẽre ne naa ngaɓa maaga naa mo fruy wer ɓaara. Yoo fẽẽre sen, se hã faage ne naa maa far ɗiggi de see naa maa joŋ joŋre de kado maaga se hã ra ne naa mono. Ɗeŋ se maaga á hã ne naa, naa de joŋ joŋre de ɓe de farge ɗiggi ti fẽn maaga naa nen rege ɓe noga nen joge ɓe. Da ga naa mo joŋ joŋre de deŋ se maaga á hã ne naa maaga naa mo hay de cõõre jag Pan naa maa ciŋ no.