LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • w08 9/15 pp. 25-26
  • Kupharazga ku Msika

Vidiyo palije.

Phepani, pali suzgo linyake.

  • Kupharazga ku Msika
  • Gongwe la Mulinda Likupharazga Ufumu wa Yehova—2008
  • Nkhani Zakuyanako na Iyi
  • Nthowa Ziphya Zakupharazgira Uko Kukusangika Ŵanthu Ŵanandi
    Uteŵeti Withu wa Ufumu—2013
  • Nthowa Yiphya Yakupharazgira Uko Kukusangika Ŵanthu Ŵanandi
    Uteŵeti Withu wa Ufumu—2014
  • Mungapharazga Mwamwaŵi
    Uteŵeti Withu wa Ufumu—2010
Gongwe la Mulinda Likupharazga Ufumu wa Yehova—2008
w08 9/15 pp. 25-26

Kupharazga ku Msika

APO wakaŵa mu msumba wa Athene, mpositole Paulosi wakalutanga ku msika zuŵa lililose kukapharazga makani ghawemi ghakukhwaskana na Yesu. (Mil. 17:17, NW) Paulosi wakalutanga ku msika cifukwa ndiko ŵanthu ŵanandi ŵa mu Athene ŵakatandaranga.

Lero, vilimika pafupifupi 2,000 vyajumphapo, ndipo ŵanthu ŵa Yehova ŵacali kupharazga makani ghawemi gha Ufumu wa Ciuta ku msika. Cifukwa wuli? Cifukwa cakuti ndiko ŵanthu ŵanandi ŵakusangika. Mazuŵa ghano msika ukuŵa na masitoro. Pamanyuma pakuti ŵapempha cizomerezgo kwa mweneko wa sitoro, Ŵakaboni ŵanyake ŵakundandika mabuku ghakulongosora Baibolo pa thebulu.

Mwaciyelezgero, pa sitoro yinyake ku New Jersey, U.S.A., ŵapharazgi ŵakandandika makora magazini ghakulongosora Baibolo, agho ghakaŵa na mutu wakuti: “Maintaining Family Values—How?” Kasi cikacitika nchivici pamanyuma pake? Mu zuŵa limoza pera, mabuku 153 gha viyowoyero vinkhondi na cimoza ghakagaŵirika.

Mwanakazi yumoza uyo wakafika pa malo agho pakaŵa mabuku ghithu, wakategherezga mwakunweka apo yumoza wa Ŵakaboni wakalongosoranga. Mwanakazi uyu wakazomerezga kuti nchakuzirwa nadi kudangizga khumbo la Ciuta mu umoyo withu ndiposo mu mbumba. Wakatora mabuku agha: Sambirani kwa Msambizgi Waluso, Umo Mbumba Yingaŵira Yacimwemwe, na Mafunso Achichepere Akufunsa—Mayankho Amene Amathandiza.

Kumise, apo mwanalume munyake wakanjiranga mu sitoro, wakendera apo pakaŵa mabuku. Wakalaŵiska mwakunweka buku la Achichepere Akufunsa. Mudumbu uyo wakaŵapo wakamanya kuti mwanalume uyu wakakhumbanga buku. Mudumbu wakafumba kuti, “Kasi pali buku ilo lamukondweskani?” Iyo wakazomera na mutu na kulongora buku la Achichepere Akufunsa. Wakamupa buku ili, ndipo panyengo iyi nayo wakaŵa kuti watamphuska kale woko lake kuti watore. Wakayowoya kuti wali na ŵana ŵatatu. Apo ŵakalutilira kudumbiskana, wakayowoya kuti wangatemwa kulutilira kudumbiskana na ŵapharazgi aŵa kamoza pa sabata. Ŵana ŵake ŵalara ŵaŵiri ŵali na vilimika vyapakati pa 13 na 19. Apo wakajuranga buku ili wakayowoya kuti wangaligwiliskira nchito pakudumbiskana na mbumba yake. Mudumbu uyu wakamulongora buku la Umo Mbumba Yingaŵira Yacimwemwe, na kumusimikizgira kuti iyo na muwoli wake ŵasangengemo ulongozgi wakovwira comene wakukhwaskana na umo ŵangacitiranga vinthu mu mbumba yawo. Mwanalume uyu wakakondwa comene na sacizgo ili, wakapeleka cawanangwa ndiposo wakazomera kuti mupharazgi wize ku nyumba yake.

Kasi Ŵakaboni ŵakajipulika wuli pamanyuma pa kupharazga pa sitoro iyi? Mudumbu munyake wakayowoya kuti: “Nkhakondwa comene na nthowa iyi yakupharazgira. Ukaŵa upharazgi uwemi comene.” Mudumbu munyakeso wakati: “Yehova wakuti makani ghawemi ghapharazgikenge na ku vigoti vya caru wuwo. Mazuŵa ghano mu Paramus, New Jersey, makani ghawemi agha ghakhwaska ŵanthu ŵa viyowoyero vyakupambanapambana. Nili wakukondwa comene cifukwa cakuti nane nkhacitako upharazgi uwu wa ku masitoro. Waliyose uyo wakacitako upharazgi uwu wakaŵa wakukondwa. Paumaliro wa zuŵa pakaŵavyanga munthu uyo wakakhumbanga kuwera.”

Kasi mungapharazga makani ghawemi mu nthowa zinyake? Nthowa yithu yakwamba iyo tikupharazgira makani ghawemi ni upharazgi wa ku nyumba na nyumba. (Mil. 20:20) Ndipouli, kasi mungaghanaghanira yayi za kukapharazga ku msika panji ku masitoro?

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani