Kasi Baibolo Likuti Wuli?

Kasi Chiuta wakuzgora malurombo ghose?

KASI MUNGATI . . .

• Wakuzgora gha waliyose

• Wakuzgora gha ŵanthu ŵanyake

• Wakuzgora yayi

IVYO BAIBOLO LIKUYOWOYA

“Yehova wali pafupi na wose . . . awo ŵakumuchema mu unenesko.”—Salimo 145:18.

NI VICHI VINYAKE IVYO TIKUSAMBIRA MU BAIBOLO?

• Chiuta wakuzgora yayi malurombo gha ŵanthu ŵaheni. (Yesaya 1:15) Ndipouli usange ŵanthu aŵa ‘ŵanganyoloska vinthu’ panji kuti ŵangaleka kuchita viheni, mbwe Chiuta wangakondwa nawo.—Yesaya 1:18.

• Chiuta wakuzgora malurombo agho ghakukolerana na khumbo lake ilo likusangika mu Baibolo.—1 Yohane 5:14.

Kasi tikwenera kwimilira panji kukhala pasi para tikulomba?

ŴANTHU ŴANYAKE ŴAKUTI para tikulomba nyengo zose tikwenera kugwada, kusindama, panji kuŵika mawoko pamoza. Kasi imwe mukuti wuli?

IVYO BAIBOLO LIKUYOWOYA

Chiuta wakapulika malurombo gha awo ŵakalomba uku ‘ŵakhala pasi,’ ‘ŵimilira,’ ‘wagona pasi’ kweniso awo ‘ŵakajikama.’ (1 Midauko 17:16; 2 Midauko 30:27; Ezira 10:1; Milimo 9:40) Ntheura palije dango pa nkhani iyi, kwali tikulomba uku takhala pasi panji tagwada.

NI VICHI VINYAKE IVYO TIKUSAMBIRA MU BAIBOLO?

• Chiuta wakupulika malurombo gha ŵanthu awo mbakujiyuyura.—Salimo 138:6.

• Mungalomba mu chiyowoyero chilichose kwali mukulomba cha mu mtima, Chiuta wangapulika.—2 Midauko 6:32, 33; Nehemiya 2:1-6.