Masacizgo

Umo Mungambiskira Masambiro gha Baibolo pa Cisulo Cakwamba mu Seputembala

“Ŵanthu ŵa mafuko kweniso vigomezgo vyakupambanapambana ŵakulomba zuŵa lililose. Kasi mukughanaghana kuti Ciuta wakupulika na kuzgora malurombo ghose?” [Mulekani wazgore.] Mugaŵirani magazini gha Gongwe la Mulinda la Seputembala 1, na kudumbiskana ndime izo zili pa kamutu kakwamba pa peji 16 ndipo ŵazganipo lemba limoza. Pelekani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Seputembala 1

Mulongorani pa cikopi ca magazini, na kufumba kuti: “Kasi mungazgora wuli fumbo ili? [Mulekani wazgore.] Wonani ivyo Baibolo likuyowoya. [Ŵazgani 1 Yohane 5:19.] Mwakuyana na mazgu agha, “muheni,” panji kuti Dyabulosi, ndiyo wakuwusa caru. Kweni pangaŵa mafumbo. Kasi Dyabulosi wali kufuma nkhu? Kasi ni munthu wanadi? Kasi Ciuta wamuzomerezga kuwusa mpaka pawuli? Magazini iyi yikulongosora ivyo Baibolo likuyowoya.”

Galamukani! Seputembala

Ŵanthu ŵanandi mazuŵa ghano mbakwenjerwa comene cifukwa ca suzgo la ndalama. Cifukwa wuli ndalama yanjira pasi nthena? [Mulekani wazgore.] Mu Baibolo muli mazgu ghavinjeru agho ghangawovwira ŵanthu kuti ŵacite mwavinjeru na ndalama. [Ŵazganipo lemba limoza pa peji 8-9.] Mu magazini iyi muli masacizgo agho ghangawovwira awo ŵakukhalira waka ngongoli.