Masacizgo

Umo Mungambiskira Masambiro gha Baibolo pa Cisulo Cakwamba mu Febuluwale

“Kasi mukughanaghana kuti Ciuta wali na gulu mazuŵa ghano, panji wakucita vinthu na munthu waliyose payekha? [Mulekani wazgore.] Wonani ivyo nkhani iyi yikutiphalira pakukhwaskana na ŵanthu awo Ciuta wakaŵalongozganga kale.” Julani pa peji 16 na kudumbiskana fundo izo zili pa kamutu kakwamba. Ŵazganipo lemba limoza panji ghaŵiri. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Febuluwale 1

Mazuŵa ghano ŵanthu ŵakutemwa comene kudumbiskana vya Haramagedoni. Kasi mukughanaghana kuti cilipo ico ŵanthu ŵangacita kuti Haramagedoni yileke kwiza? [Mulekani wazgore.] Lizgu lakuti ‘Haramagedoni’ likusangika pa lemba ili. [Ŵazgani Uvumbuzi 16:16. Ndipo mulongorani pa cikopi.] Magazini iyi yili na mazgoro gha mu Baibolo pa mafumbo agha.

Galamukani! Febuluwale

Mazuŵa ghano ŵanthu ŵanandi ŵakutemwa kucezgerana pa Intaneti. Kasi mukughanaghana kuti pali ulwani uliwose? [Mulekani wazgore.] Mu Baibolo muli fundo izo zingatovwira kuti tigege masuzgo para tikucezga na ŵanyithu pa Intaneti. [Julani pa peji 6-9 na kudumbiskana fumbo limoza, ndipo ŵazganipo lemba.] Magazini iyi yimovwiraninge kumanya ulwani uwo ukuŵapo pakucezga na ŵanji pa Intaneti, kweniso umo mungacitira kuti mujivikilire.”