Nyamukani Luŵiro

Para tikunozgekera uteŵeti, tikuŵa na ŵabali ŵithu ndipo tikukhumba kuchezga nawo. Ndipouli, para ungano wakunozgekera uteŵeti wamara, tikwenera kunyamuka luŵiro na kuluta uko tamupharazga, chifukwa mulimo withu ukwenera kuchitika mwaluŵiro. (2 Tim. 4:2) Tingaŵa na nyengo yichoko yakupharazgira usange tikuchedwa kunyamuka. Para tili mu uteŵeti, tikuŵa na nyengo yinandi yakudumbiskana na kukhozgana na ŵabali ŵithu. Para tikunyamuka luŵiro, vikulongora kuti tikulimbikira uteŵeti nga mbazga ŵa Yehova na Yesu.—Rom. 12:11.