Pharazgani Mwamwamphu Unenesko Wakuyowoya za Yesu

Para tamanya umo tingapharazgira unenesko wakuyowoya za Yesu, ndipo tingapharazga mwamwamphu. Yesu ni libwe lapakona la fawundeshoni apo chipulikano chikwenera kuzengeka. (Efe. 2:20) Kuŵavyenge Yesu, mphanyi tilije chigomezgo cha kuzakaŵa na umoyo wamuyirayira. (Mil. 4:12) Ntheura ntchakukhumbikwa kuti ŵanthu wose ŵamanye mulimo wa Yesu pakufiska khumbo la Chiuta. Ŵanandi ŵapuluskika na visambizgo vyautesi. Chachitima ntchakuti ŵangazakapokera yayi vitumbiko ivyo Chiuta walayizga ŵanthu awo ŵali na chipulikano mwa Yesu. Usange tili ŵamwamphu tovwirenge ŵanthu ŵamitima yiwemi kuti ŵamumanye makora Yesu, ubali uwo uli pakati pa Yesu na Chiuta, na mulimo wa Yesu pakufiska khumbo la Chiuta. Kasi muzamupharazga unenesko wakuyowoya za Yesu mu nyengo ya Chikumbusko?