KUWELERAKO
SAMBIRO 7
Chitatata
Fundo: “Ŵakalutilira kwambura kuleka kusambizga na kupharazga makani ghawemi.”—Mil. 5:42.
Ivyo Paulosi Wakachita
1. Wonelerani VIDIYO, panji ŵazgani Milimo 19:8-10. Kufuma apo zgorani mafumbo ghakulondezgapo agha:
M’malo mwa kugongowa apo ŵanthu ŵanyake ŵakamususkanga, kasi Paulosi wakachita wuli kuti wawovwire ŵakunweka?
Kasi Paulosi wakawelerangako kalinga ku ŵakunweka aŵa, ndipo wakachita ivi kwa nyengo yitali wuli?
Kasi Tikusambirako Vichi kwa Paulosi?
2. Tipaturenge nyengo na kuŵikapo mtima kuti tiŵe na maulendo ghakuwelerako ghachandulo na kwambiska masambiro gha Baibolo.
Yezgani Paulosi
3. Lutani kwa munthu panyengo iyo njiwemi kwa iyo. Jifumbani kuti: ‘Kasi ni nyengo wuli yiwemi iyo ningakadumbiskana nayo? Mphawuli kweniso ni nkhu uko wangafwatuka kudumbiskana nane?’ Yezeskani kuwelerako nanga nyengo iyo wayowoya yingaŵa yiwemi yayi kwa imwe.
4. Panganani zuŵa lakuti mukawereso. Paumaliro wa chidumbirano chilichose, panganani nyengo yakuti muzakakumaneso na munthu uyo. Sungani phangano.
5. Lutilirani kuŵa na chigomezgo. Kuchimbilira yayi kughanaghana kuti para munthu wakusangika viŵi yayi panyumba panji kanandi wakutangwanika ndikuti ngwakunweka yayi. (1 Kor. 13:4, 7) Lutilirani kumwendera munthu kweni kuluwa yayi fundo yakuti mugwiliskirenge ntchito makora nyengo yinu.—1 Kor. 9:26.