Kuteŵetera Ciuta na “Mtima Umoza na Mzimu Umoza”
ŴAYUDA na ŵanthu awo ŵakang’anamukira ku Ciyuda, ŵakiza ku ŵasambiri ŵa Yesu Khristu. Pakaŵa pa ciphikiro ca Pentekoste, ndipo ŵalendo aŵa ŵakiza ku Yerusalemu kufuma mu vigaŵa vyakutali. Ŵanji ŵakafuma ku Roma, uko kukaŵa kumanjiliro gha dazi kwa Yerusalemu ndiposo ku Pariti, uko kukaŵa kumafumiro gha dazi. Wumba uwo ukiza ku Yerusalemu ukayowoyanga viyowoyero vyakupambanapambana. Kweni ŵasambiri ŵa Yesu awo ŵakayowoyanga ku ŵanthu aŵa ŵakaŵa Ŵagalileya. Ŵalendo ŵanyake ŵakazizikika comene ndipo ŵakafumba kuti: “Tikupulika wuli ise tose mu lulimi lwa kwithu ulo tikababika nalo?”—Mil. 2:8.
Mpositole Petrosi wakimilira na kulongosora ico cikacitiska kuti paŵe munthondwe uwu. Ŵanthu ŵanandi ŵakaphenduka nyengo yeneyiyo. Ŵanthu masauzandi ghanandi ŵakabapatizika. (Mil. 2:41) Nangauli mpingo ukakuranga mwaluŵiro, kweni ukalutilira kukolerana. Luka, uyo wakalembako Baibolo wakuti: “Ukaŵamo mtima umoza na mzimu umoza mu wose awo ŵakapulikana.”—Mil. 4:32.
Ŵanthu masauzandi ghanandi awo ŵakabapatizika pa zuŵa la Pentekoste mu 33 C.E., ŵakakhumbanga kukhalira mu Yerusalemu kwa nyengo yitaliko kuti ŵasambire vinandi vyakukhwaskana na cipulikano cawo ciphya. Kweni pakwiza ŵakanozgeka yayi kuti ŵazamukhalako nyengo yitali. Ntheura pakasonkheka ndarama kuti zovwire ŵanthu aŵa. Ŵakhristu ŵanyake ŵakajipeleka kuguliska katundu wawo na kupeleka ndarama kwa ŵapositole kuti ŵagaŵire ŵanthu awo ŵakaŵa ŵakusoŵerwa. (Mil. 2:42-47) Ŵakhristu aŵa ŵakalongora mtima uwemi comene wa citemwa na lusungu.
Kwambira kale, Ŵakhristu ŵaunenesko mbanthu ŵacitemwa ndiposo ŵalusungu. Mazuŵa ghano, mpingo Wacikhristu ukulutilira kuteŵetera Yehova mwakukolerana, na “mtima umoza na mzimu umoza.” Mkhristu waliyose wakupeleka nyengo yake, nkhongono, na ndarama kuti wapharazge makani ghawemi ndiposo kuti wakhozgere vinthu vya Ufumu wa Ciuta.—Wonani bokosi la mutu wakuti “Nthowa Izo Ŵanyake Ŵakupelekera.”
[Bokosi pa peji 6, 7]
NTHOWA IZO ŴANYAKE ŴAKUPELEKERA
VYAWANANGWA VYA MULIMO WA PA CARU COSE
Ŵanyake ŵakupatura ndarama kuti ŵaponyenge mu mabokosi ghakulembeka kuti “Zopereka za Nchito ya Padziko Lonse.”
Mwezi uliwose, mipingo yikutumizga vyakupeleka ivi ku ofesi ya Ŵakaboni ŵa Yehova mu caru cawo. Ndarama izo munthu wakhumba kupeleka payekha nazo zingatumizgika mwakudunjika ku Accounting Office, Watch Tower Bible and Tract Society, P.O. Box 30749, Lilongwe 3, Malawi, panji ku ofesi ya munthavi ya Ŵakaboni ŵa Yehova ya mu caru cake. Pa ceke ico cikutumizgika ku ofesi ya munthavi pakwenera kulembeka kuti ndarama zipelekeke ku “Watch Tower.” Vinthu vinyake vyakuzirwa ivyo Sosayite yingaguliska na kusanga ndarama navyo vingapelekeka. Para mwapeleka vyawanangwa vya mtundu uwu, mulembe kalata yakulongosora kuti ivi ni vyawanangwa.
VYAWANANGWA IVYO VIKUWEZGEKA PARA MWENEKO WAVIKHUMBA
Mungapeleka ndarama ku Watch Tower kuti zigwirenge nchito ya pa caru cose. Ndipo ndarama zinu zingazakawezgeka usange mungazakazikhumba kunthazi. Kuti mumanye vinandi, fumbani ofesi ya munthavi mwa kulemba kalata panji kwimba telefoni pa nambara iyi: 01 762 111.
VYAWANANGWA VINYAKE IVYO MUNGANOZGA
Padera pa kupeleka ndarama, paliso nthowa zinyake zakupelekera vyawanangwa vyakuti viwovwire pa mulimo wa Ufumu wa pa caru cose. Zinyake mwa izo ni izi:
Inshuransi: Mungalembeska kuti Watch Tower Bible and Tract Society ndiyo yizakapike ndarama zinu za inshuransi panji za penshoni.
Maakaunti gha ku Banki: Mungayikizga Watch Tower Society maakaunti ghinu gha ku Banki, vikalata vyakusungira ndarama ku banki, panji maakaunti gha ndarama izo mukusunga kuti muzakagwiliskire nchito para mwapumura pa nchito, panji kulemba kuti para mwazakafwa, Watch Tower Bible and Tract Society yizakatore vinthu ivi. Pakucita ivi, mukwenera kulondezga malango gha mabanki gha mu caru cinu.
Masheya: Mungapeleka masheya agho muli nagho ku kampani yinyake nga nchawanangwa ku Watch Tower Bible and Tract Society.
Malo na Nyumba: Mungapeleka malo panji nyumba nga nchawanangwa kuti Watch Tower yiguliske. Usange ni nyumba iyo mukukhalamo, mungalutilira kukhalamo apo mucali ŵamoyo. Pambere mundapeleke nyumba panji malo ghalighose, dumbiskanani dankha na ofesi ya munthavi ya mu caru cinu.
Kupeleka Ndarama ku Kampani Iyo Yikucitira Milimo Sosayite: Mungapeleka ndarama cilimika cilicose ku kampani iyo yikucitira Sosayite milimo yinyake . Munthu wakusankha kuti wapelekenge ndarama ku kampani cilimika cilicose. Para mwacita nthena, ŵakumukhizgiraniko msonkho mu cilimika ico mwambira kupeleka ndarama izi.
Cuma Ico Cikhalenge Para Mwatayika: Mungalemba mu wilu yakuzomerezgeka na boma kuti Watch Tower Bible and Tract Society yizakapike katundu panji ndarama zinu para mwazakatayika. Para wilu yinu mwalemba kuti wupu wa cisopa ndiwo uzakapokere cigaŵa ca cuma cinu, mukulipira msonkho ukuru yayi.
Mazgu ghakuti “vyawanangwa vinyake ivyo munganozga” ghakulongora kuti uyo wapelekenge vyawanangwa ivi wakwenera kunozgekera. Kuti awo ŵakukhumba kupeleka vyawanangwa ivi ku mulimo wa pa caru cose wa Ŵakaboni ŵa Yehova ŵawovwirike, pafumiskika burosha la Cingelezi na Cisipanishi la mutu wakuti Charitable Planning to Benefit Kingdom Service Worldwide. Burosha ili liri kulembeka kuti lovwire ŵanthu umo ŵangapelekera vyawanangwa mu nthowa zakupambanapambana, kwali apo ŵacali ŵamoyo panji kuti vizakapelekeke para iwo ŵafwa. Pamanyuma pa kuŵazga burosha ili na kudumbiskana na ŵanthu awo ŵakuŵalongozga pa vinthu vyakukhwaskana na malango, ŵanandi ŵawovwirapo pa mulimo withu wa cisopa ndiposo wa kovwira ŵanthu ŵakusoŵerwa pa caru cose na kucepeskako msonkho uwo ŵakuŵadumura. Mungasanga burosha ili mwa kufumba ku Ofesi ya Munthavi ku Accounting Office.
Kuti mumanye vinandi, mungalemba kalata panji kwimba telefoni ku ofesi ya munthavi pa adiresi iyo yili pasi apa.
Accounting Office
Watch Tower Bible and Tract Society
P. O. Box 30749
Lilongwe 3, Malawi
Telefoni: 01 762 111