‘Tize na Sembe kwa Yehova’
PARA munthu wamucitirani ciwemi, kasi mukulongora wuli kuti mukuwonga? Wonani umo ŵalara ŵankhondo ŵa Israyeli ŵakalongolera kuwonga ŵakati ŵathereska Ŵamidiyani. Nkhondo iyi yikacitika pamanyuma pakuti Ŵaisrayeli ŵananga cifukwa ca kusopa Baala wa ku Peor. Ciuta wakawovwira ŵanthu ŵake kuti ŵatonde ndipo ivyo ŵakaskogha ŵakagaŵira ŵasilikari 12,000 na Ŵaisrayeli wose. Yehova wakati vinthu ivyo ŵasilikari ŵapoka ŵagaŵireko ŵasofi, ndipo ivyo Ŵaisrayeli ŵanyake ŵapoka ŵagaŵireko Ŵalevi.—Maŵa. 31:1-5, 25-30.
Kweni ŵalara ŵankhondo ŵakakhumbanga kucita vinandi. Ŵakaphalira Mozesi kuti: “Ŵateŵeti ŵako ŵaŵazga ŵanalume ŵa nkhondo aŵa ŵali pasi pithu, ndipo palije yumoza wa ise wakusoŵerwa.” Ŵakapeleka golide, na vitoweskero vinyake kuŵa sembe kwa Yehova. Uzito wa vitoweskero vya golide ivyo ŵakapeleka ukajumpha 190kg.—Maŵa. 31:49-54.
Mazuŵa ghano napo ŵanthu ŵanandi ŵakulongora kuwonga ivyo Yehova wakuŵacitira. Nakuti mbateŵeti ŵa Ciuta pera yayi awo ŵakucita nthena. Mwaciyelezgero, ghanaghanirani ivyo wakacita dilayivala munyake wa basi iyo mukakwera ŵalendo awo ŵakaluta ku ungano wa mitundu yose uwo ukacitikira ku Bologna ku Italy mu 2009. Cifukwa cakuti wakendeskanga makora basi ndiposo wakaŵa wakuzika, ŵabali na ŵadumbu wakamupa kadi la kumuwonga, ndalama, kweniso buku la Kasi Baibolo Likusambizgaci Comenecomene? Dilayivala uyu wakati: “Nawonga kupokera kadi na buku, kweni ndalama nawezga cifukwa nkhukhumba kovwirapo kuti mulutilire kucita mulimo winu. Nangauli ndine Kaboni wa Yehova yayi, nkhukhumba kovwirapo cifukwa nawona kuti milimo yinu mukuyicita cifukwa ca citemwa.”
Para mukukhumba kuwonga ivyo Yehova wakumucitirani, nthowa yimoza iyo mungacitira nthena nkhupeleka vyawanangwa ku mulimo wa pa caru cose wa Ŵakaboni ŵa Yehova. (Mat. 24:14) Bokosi ilo lili pasi apa mwalembeka nthowa izo ŵanji ŵakupelekera vyawanangwa.
[Bokosi pa peji 20, 21]
NTHOWA IZO ŴANYAKE ŴAKUPELEKERA
VYAWANANGWA VYA MULIMO WA PA CARU COSE
Ŵanandi ŵakupatura ndalama kuti ŵaponyenge mu mabokosi gha vyakupeleka ghakulembeka kuti, “Mulimo wa pa Caru Cose.”
Mwezi uliwose, mipingo yikutumizga vyakupeleka ivi ku ofesi ya Ŵakaboni ŵa Yehova mu caru cawo. Munthu payekha wangatumaso vyawanangwa vyake ku Accounting Office, Association of Jehovah’s Witnesses of Malawi Registered Trustees, P.O. Box 30749, Lilongwe 3, Malawi, panji ku ofesi ya munthavi ya Ŵakaboni ŵa Yehova ya mu caru cake. Para mukukhumba kupeleka ceke lembanipo kuti ndalama izi zipelekeke ku “Association of Jehovah’s Witnesses of Malawi Registered Trustees.” Vinthu vinyake vyakuzirwa navyo vingapelekeka. Pakupeleka vinthu ivi, mungalembaso kalata yakudumura yakulongosora vyawanangwa ivyo mwapeleka.
VYAWANANGWA IVYO VIKUWEZGEKA PARA MWENEKO WAVIKHUMBA
Mungapeleka ndalama ku Association of Jehovah’s Witnesses of Malawi Registered Trustees kuti zigwirenge nchito ya pa caru cose. Ndipouli, apo muzamuzikhumbira muzamupokaso. Kuti mumanye vinandi, fumbani ofesi ya munthavi mwa kulemba kalata panji kwimba telefoni pa nambara iyi: 01 762 111.
VYAWANANGWA VINYAKE IVYO MUNGAPELEKA
Padera pa kupeleka ndalama mwakudunjika, paliso nthowa zinyake zakupelekera vyawanangwa kuti viwovwire pa mulimo wa Ufumu pa caru cose. Zinyake mwa izo ni izi:
Inishuransi: Mungalembeska kuti Association of Jehovah’s Witnesses of Malawi Registered Trustees ndiyo yizakapike ndalama zinu za inishuransi panji penshoni.
Maakaunti gha ku Banki: Mungalembeska kuti Association of Jehovah’s Witnesses of Malawi Registered Trustees ndiyo yizakatore ndalama zinu para mwafwa. Kweniso mungalembeska kuti ndiyo yizakapokenge ndalama zinu za penshoni para mwapumura nchito. Pakucita ivi, mukwenera kulondezga malango gha mabanki gha mu caru cinu.
Masheya: Mungapeleka masheya agho muli nagho mu kampani yinyake nga nchawanangwa ku Association of Jehovah’s Witnesses of Malawi Registered Trustees. Mungalembaso kuti para mwafwa Sosayite ndiyo yizakatore masheya ghinu.
Malo na Nyumba: Mungapeleka malo panji nyumba nga nchawanangwa ku Association of Jehovah’s Witnesses of Malawi Registered Trustees. Vinthu ivi viŵe vyakuti vingaguliskika. Usange ni nyumba iyo mukukhalamo, mungalutilira kukhalamo apo mucali ŵamoyo. Pambere mundapeleke nyumba panji malo ghalighose, dumbiskanani dankha na ofesi ya munthavi ya mu caru cinu.
Kupeleka Ndalama ku Kampani Iyo Yikucitira Milimo Sosayite: Munthu wangapeleka ndalama ku kampani iyo yikucitira Ŵakaboni ŵa Yehova milimo yinyake.
Cuma Ico Cikhalenge Para Mwafwa: Mungalemba wilu yakuzomerezgeka na boma kuti Association of Jehovah’s Witnesses of Malawi Registered Trustees yizakapike katundu panji ndalama zinu para mwafwa. Para wilu yinu mwalemba kuti wupu wa cisopa ndiwo uzakapokere cuma cinu, mukulipira msonkho ukuru yayi.
Kuti mupeleke vyawanangwa mu nthowa iyi mukwenera kunozgekera. Kuti mumanye vinandi, mungimba telefoni ku ofesi ya munthavi panji kulemba kalata pa adiresi iyo yili pasi apa.
Accounting Office
Association of Jehovah’s Witnesses of Malawi Registered Trustees
P. O. Box 30749
Lilongwe 3, Malawi
Telefoni: 01 762 111