Kasi Muli Kugwiliskirapo Nchito Peji Laumaliro la Gongwe la Mulinda?

Para ŵanthu ŵapoka magazini ghithu, cakwamba ŵakuwona panthazi pa cikopi na kuzgolera kuseri. Pa peji laumaliro la Gongwe la Mulinda la Ciceŵa lakugaŵira pakuŵa mafumbo ndiposo mazgu agho munthu wanganweka nawo ndiposo mapeji agho pakusangika nkhani yose.

Peji ili lingatovwira kuti tipange mafumbo agho tingambiskira cidumbirano. Para mu cigaŵa cithu tikupharazgamo kanandi, tingapharazga mwakugwiliskira nchito mafumbo ghakupambanapambana mu mwezi. Para mweneko wa nyumba ngwakutangwanika, tingadumbiskana nayo mwakudumura mwa kumulongora mafumbo agha na kuyowoya kuti, “Para mukukhumba kumanya zgoro la fumbo ili ningamulekerani magazini iyi ndipo tingazakadumbiskana vinandi para mwasanga nyengo.” Ŵapharazgi ŵanyake ŵangambiska cidumbirano mwa kulongora uyo ŵakumupharazgira peji laumaliro la magazini na kumupempha kuti wasankhe fumbo ilo wanweka nalo. Pamanyuma ŵangamulongora apo pakusangika zgoro na kumuŵazgira lemba ilo ŵangusankhirathu. Mutepanji mungasanga nthowa zinyake za umo mungagwiliskira nchito peji laumaliro kuti ŵanthu ŵanweke na Gongwe la Mulinda la Ciceŵa.