Umo Tingagwiliskira Nchito Burosha la Kasi mu Baibolo Muli Uthenga Wuli?

Ŵanthu ŵanandi mu cigaŵa cithu, comenecomene awo Mbakhristu yayi, ŵakulimanya makora yayi Baibolo. Para ŵapharazgi ŵanyake ŵakusambira Baibolo na munthu wantheura mu buku la Baibolo Likusambizgaci?, ŵakumovwira na burosha la Kasi mu Baibolo Muli Uthenga Wuli? kuti wamanye ivyo vili mu Baibolo. Mwaciyelezgero, mbali munyake, pakusambira na munthu cipaturo 3 mu buku la Baibolo Likusambizgaci? wakumulongora cigaŵa 1 ca burosha la Kasi mu Baibolo Muli Uthenga Wuli? Kufuma apo, mbali uyu wakudumbiskana na msambiri uyu cigaŵa cimoza mu burosha ili paumaliro wa sambiro lililose. Kasi mukusambira na munthu uyo wakumanya cilicose yayi panji wakumanyapo vicoko waka vya Baibolo? Kuti mumovwire ‘kumanya malemba ghatuŵa gheneagho ghakumanya kumuzgora wavinjeru kuti waponoskeke,’ padera pa buku la Baibolo Likusambizgaci? sambirani nayo burosha la Kasi mu Baibolo Muli Uthenga Wuli?​—2 Tim. 3:15.