Vikilira Maghanoghano Ghako

1. Kasi mutu wa ungano wadera wa cilimika ca 2013 ngwakuti wuli, ndipo cilato cake nchivici?

¹ Yesu wakaphalira ŵasambiri ŵake kuti ŵatemwenge Yehova na mtima wawo wose, umoyo wawo wose, na maghanoghano ghawo ghose. (Mat. 22:37, 38) Maungano ghacigaŵa, ghadera na ghapadera, ghanozgeka na cilato cakuti ghatovwire kunozga wunthu withu wa mukati. Ungano wacigaŵa ukaŵa na mutu wakuti “Vikilira Mtima Wako!” Ungano wapadera wa cilimika ca uteŵeti ca 2013, ngwakuti “Vikilira Njuŵi Yako.” Ungano wadera uwo wambenge mwezi ukwiza, wuli na mutu wakuti “Vikilira Maghanoghano Ghako.” Mutu uwu wafuma pa lemba la Mateyu 22:37. Maungano agha ghanozgeka kuti ghawovwire waliyose wa ise kusanda ivyo tikughanaghana mwakuti tiwone usange vikukondweska Yehova.

2. Kasi ungano uwu, uzamuzgora mafumbo wuli?

² Ivyo Vyamuyowoyeka: Para tili pa ungano wadera, tikategherezge comene kuti tikapulike mazgoro gha mafumbo agha, agho ghali na fundo zikuru:

• Kasi tingacita wuli kuti tileke kuŵa na ‘maghanoghano gha ŵanthu’?

• Kasi tingawuskako wuli cidiko ico cikubenekelera maghanoghano gha ŵanthu ŵambura kugomezga?

• Kasi tikwenera kuŵa na kaghanaghaniro wuli?

• Kasi kughanaghana vinthu viwemi kuli na vyandulo wuli?

• Kasi tingacita wuli kuti Yehova wawumbe maghanoghano ghithu?

• Kasi nchivici ico ŵafumu, ŵawoli, ŵapapi, na ŵana ŵangacita kuti mbumba yiŵe ya cimwemwe?

• Kasi tinganozgekera wuli zuŵa la Yehova?

• Kasi kuvwara zikhore mu maghanoghano ghithu cikung’anamuraci?

• Kasi awo ŵakucita ivyo ŵasambira ŵakusanga vyandulo wuli?

3. Cifukwa wuli nchakuzirwa kuti tizakaŵepo mazuŵa ghose ghaŵiri, kutegherezga comene, na kucita ivyo tizamusambira?

³ Satana wakulimbana na kupuluska maghanoghano ghithu. (2 Kor. 11:3) Ipo tikwenera kuvikilira maghanoghano ghithu kuti tikondweske Yehova. Tikwenera kulutilira kuŵa na maghanoghano gha Khristu na kufwilirapo comene kuti tigege maghanoghano gha caru. (1 Kor. 2:16) Mwantheura, nozgekerani kuti muzakasangikepo mazuŵa ghose ghaŵiri. Muzakategherezge comene. Kucita ivyo tizamusambira kuzamutovwira kuti tivware zikhore pakucita uteŵeti wa ufumu.—1 Pet. 1:13.