Tizamwamba Kucemera Ŵanthu ku Cikumbusko pa Malici 22

Caka cino tizamwamba kucemera ŵanthu ku Cikumbusko pa Malici 22. Tose tikuciskika kuti tizakaciteko mulimo uwu. Pa Cisulo na pa Sabata, tingagaŵiraso magazini para nchakwenelera. Pa Cisulo cakwamba mu Epulero, tizamugaŵira tumapepara twakucemera ŵanthu ku Cikumbusko m’malo mwa kwambiska masambiro gha Baibolo. Kweni usange tasanga munthu wakunweka tingamba kusambira nayo. Mulaŵiliri wa uteŵeti ndiyo wazamuwona usange nchakwenelera kukagaŵira ku malo uko kukusangika ŵanthu ŵanandi kuti mpingo upharazgire ŵanthu ŵanandi. Tikwenera kulemba ŵanthu awo tikukhumba kuzakaŵacema para nyengo ya kuŵacemera ku Cikumbusko yakwana. Ŵanthu aŵa ŵangaŵa ŵabali ŵithu, awo tikusambira nawo sukulu, awo tikugwira nawo nchito, ŵakunweka na ŵanji awo tikumanyana nawo. Tikugomezga kuti ŵanandi ŵazamuŵa nase apo tizamukumbukira citemwa ico Yehova na Yesu ŵakalongora.—Yoh. 3:16; 15:13.