Kucemera Ŵanthu ku Ungano

1. Kasi tizamwamba pawuli kucemera ŵanthu ku ungano wa cigaŵa wa 2014?

¹ Usange pakunozgera cakurya ŵabali panji ŵabwezi ŵinu mwamalirapo nkhongono na ndalama zinandi, mukukondwa pakuŵacema. Mwakuyana waka, pakaŵa nchito yikuru comene pakunozga cakurya cauzimu ico cizamuŵa pa ungano wa cigaŵa wa 2014. Tizamwamba kucema ŵanthu para kwakhala sabata zitatu kuti ungano ucitike. Kasi nchivici ico cizamuticiska kuti ticemereko ŵanji ku ungano?

2. Kasi nchivici ico cizamuticiska kuti ticemereko ŵanji ku ungano?

² Tizamuciskika kuti ticemereko ŵanji ku ungano wa cigaŵa para tikughanaghanira vyandulo ivyo tikusanga kufuma ku cakurya cauzimu ico Yehova wakutipa pa maungano agha. (Yes. 65:13, 14) Tikweneraso kukumbuka kuti tikuphyoka pawaka yayi para tikucemera ŵanthu ku ungano wa cigaŵa. Ŵanthu ŵanyake awo tizamuŵacema ŵazamwiza. Kweni kwali ŵanthu ŵazamwiza kwali yayi, Yehova wazamulumbika cifukwa ca ivyo tizamucita pakucemera ŵanthu ku ungano.—Sal. 145:3, 7; Uvu. 22:17.

3. Kasi tizamucita wuli pakugaŵira tumapepara?

³ Wupu wa ŵalara ukwenera kuwona umo mpingo ungacitira kuti ugaŵire cigaŵa cikuru tumapepara twakucemera ŵanthu ku ungano. Ukweneraso kuwona usange ŵapharazgi ŵangaleka tumapepara panyumba apo ŵandasangepo munthu panji kugaŵira ku malo uko kukusangika ŵanthu ŵanandi. Para mukugaŵira tumapepara utu pa Cisulo na pa Sabata, mungagaŵiraso magazini apo mphakwenelera. Usange Cisulo cakwamba ca mwezi cizamukwana pa nyengo iyo tizamugaŵira tumapepara utu, tizakagaŵire tumapepara m’malo mwa kwambiska masambiro gha Baibolo. Para ticemerengeko ŵanthu ŵanandi ku ungano kuti ŵakarye nase cakurya cauzimu ico Yehova watinozgera, tizamuŵa ŵakukondwa comene.

[Bokosi pa peji 5]

Ivyo Mungayowoya

Para mwamutawuzga, mungayowoya kuti: “ŵanthu Tikucemera ku cakucitika cakuzirwa. Deti, nyengo, na malo vili pa kapepara aka.”