Upharazgi Wapadera Wakuchemera Ŵanthu ku Ungano

Chaka chilichose, tikuŵa ŵakunweka kuti tikapokere chakurya chauzimu pa maungano ghithu gha chigaŵa. Ntheura tikukhumba kuchema ŵanthu ŵanandi kuti nawo ŵazakaŵepo na kucheta uwemi wa Yehova. (Sa 34:8) Wupu wa ŵalara ndiwo umanyenge umo ŵapharazgi ŵangachitira kuti ŵazakagaŵire ŵanthu ŵanandi tumapepara.

IVYO TIKWENERA KUKUMBUKA

• Kasi ungano withu uzamuŵako pawuli?

• Kasi mpingo withu uzamwamba pawuli kuchemera ŵanthu ku ungano?

• Kasi maungano ghakunozgekera upharazgi uwu ghazamuchitikanga pawuli pa mpingo withu?

• Kasi panyengo yapadera iyi nizamupharazga nyengo yitali wuli?

• Kasi nkhukhumba kuchemerako njani?

KASI MWAMUYOWOYACHI?

Para mwatawuzgana na munthu, mungayowoya kuti:

“Tikupeleka kapepara aka, kumuchemerani ku ungano wakuzirwa chomene. Deti, nyengo, na malo vyalembeka penepapa. Tizamukondwa chomene kuŵa namwe pa ungano uwu.”

KASI MUNGACHITA WULI USANGE MUNTHU WAKUKHUMBA KUSAMBIRA BAIBOLO?

Nangauli tikukhumba kuchemera ŵanthu ŵanandi chomene ku ungano, kweni tikwenera kuŵaleka waka yayi awo ŵakukhumba kusambira Baibolo.

Pa Chisulo na Sabata, mungagaŵira magazini pamoza na tumapepara.