Ivyo Vingatovwira Kuti Tiŵe Ŵaluso mu Uteŵeti—Kunozgekera Mazgu Ghakwamba
Cifukwa Wuli Nkhwakuzirwa? Usange mazgu ghakwamba ngambura kukopa, munthu wangakana kumupharazgira. Lekani ŵapharazgi ŵanandi ŵakuwona kuti mazgu ghawo ghakwamba ngakuzirwa comene para ŵakupharazgira munthu. Nangauli mu Uteŵeti Withu wa Ufumu na mu buku la Kukambitsirana mukuŵa masacizgo, kweni mukuŵa mazgu ghose yayi agho tingayowoya pakwamba. Kweniso masacizgo agha ngakuti munthu wangasintha panji wanganozgekera ghake. Ntheura, tiŵenge ŵaluso para tikunozgekera mazgu ghakwamba, m’malo mwakuyowoya waka cilicose ico ciza mu maghanoghano para takumana na munthu.—Zinth. 15:28.
Yezgani Sacizgo Ili Mwezi Uno:
Panyengo yakusopera ya mbumba mupaturenge nyengo kuti munozgekere mazgu ghakwamba na kuyezgelera.
Para muli mu upharazgi, phaliraniko uyo mwenda nayo mazgu ghakwamba agho mwanozgekera. (Zinth. 27:17) Sinthani mazgu ghinu ghakwamba apo mphakwenelera.