Tikwenera Kunozgekera Kuti Tisambizge Mwaluso

Munthu munyake wati wafumba Yesu za ivyo wangachita kuti wazakasange umoyo wamuyirayira, Yesu wakamuzgora kuyana na ivyo wakakhumbanga. (Luka 10:25-28; 18:18-20) Nangauli tikughamanya makora mabuku ghakusambizgira ŵanthu, kweni tikwenera kunozgekera. Para tikunozgekera, tikwenera kughanaghanira fundo izo msambiri withu wakutondeka kuzipulikiska, malemba agho tingaŵazgira lumoza, kweniso unandi wa ivyo tisambirenge. Kweniso tikwenera kunozgekera makora viyelezgero na mafumbo agho tamufumba msambiri kuti wakapulikiske ivyo tamumusambizga. Pakuti ni Yehova uyo wakukuzga mbuto zaunenesko mu mtima wa munthu, para tikunozgekera tikwenera kulombera msambiri withu, kweniso kulomba kuti Yehova watovwire apo tikuyezgayezga kumovwira mwauzimu.—1 Kor. 3:5; Yak. 1:4.