Masachizgo

Gongwe la Mulinda Disembala 1

“Tikudumbiskana na ŵanyithu kwa nyengo yichoko pa nkhani yakukhwaskana na Baibolo. Ŵanthu ŵanandi ŵakuchindika yayi Baibolo, kweniso ŵakuwona kuti ndakusuzga kulipulikiska. Imwe mukuliwona wuli? [Mulekani wazgore.] Wonani chifukwa chimoza icho tikwenera kulipulikiska Baibolo. [Ŵazgani Ŵaroma 15:4.] Magazini iyi, yikulongosora kuti Baibolo likalembeka munthowa yakuti ise tingalipulikiska. Kweniso yili na masachizgo agho ghangatovwira kuti tipulikiskenge Baibolo.”

Wukani! Disembala

“Tikudumbiskana na ŵanyithu kwanyengo yichoko waka pa nkhani ya umo banja lingaŵira lakukondwa. Waliyose wakukhumba kuti mu banja lake muŵe mtende kweniso kukolerana. Kasi imwe mukuwona kuti chiwemi ni ntchi, kuleke kupambana maghanoghano, panji kumanya umo mungamazgira masuzgo para mwapambana maghanoghano? [Mulekani wazgore.] Tiyeni tiwone ivyo Baibolo likuyowoya. [Ŵazgani Zintharika 26:20.] Magazini iyi yikulongosora fundo zakuzirwa za mu Baibolo izo zingawovwira banja kuti liŵe la mtende.”