Umo Tingasambizgira na Burosha la Tegherezgani kwa Chiuta

Burosha la Tegherezgani kwa Chiuta lili kupangika kuti liwovwirenge ŵanthu awo ŵakutondeka kuŵazga kuti ŵasambire unenesko wa mu Baibolo kwizira mu vithuzi. Peji lililose lili na vithuzi ivyo vingawovwira munthu kuti wapulikiske ivyo wakusambira.

Burosha la Tegherezgani kwa Chiuta na Kuŵa Ŵamoyo Kwamuyirayira naloso lili kupangika mwakuyana waka. Mphambano njakuti burosha la Tegherezgani kwa Chiuta na Kuŵa Ŵamoyo Kwamuyirayira, liliko na mazgu ghanandi ndipo munthu uyo wakumanyako kuŵazga ndiyo wangaligwiliskira ntchito. Ŵapharazgi ŵanyake ŵakutemwa kuŵa na burosha la Tegherezgani kwa Chiuta na Kuŵa Ŵamoyo Kwamuyirayira, apo munthu uyo ŵakumusambizga wakuŵa na la Tegherezgani kwa Chiuta. Mapeji ghanandi ghali na bokosi ilo lili na fundo zakusazgikira izo mungadumbiskana na msambiri mwakuyana na umo waliri.

Mungagaŵira limoza mwa maburosha agha nangauli mwezi uwo mukugaŵira vinyake. Gwiliskirani ntchito vithuzi kuti movwire msambiri kumanya ivyo Baibolo likusambizga. Fumbani mafumbo agho ghangamovwirani kumanya usange wakupulikiska. Pa peji lililose pali malemba, ŵazgani na kudumbiskana malemba agha. Para mwamara kusambira burosha ili, yambani kusambira nayo buku la Kasi Baibolo Likusambizgachi Chomenechomene? panji la Kasi Baibolo Likutisambizga Vichi? kuti mumovwire kuti waŵe wakwenelera kubatizika.