Kasi Mukugwiliskira Ntchito Makora Baibolo Lakuchita Kutegherezga?

Kasi Baibolo lakutegherezga ni ndi? Ni Baibolo lakuchita kujambura la Mang’anamuliro gha Charu Chiphya. Mu viyowoyero vinandi likufumiskika pachokopachoko. Chapadera chomene na Baibolo ili ntchakuti likuŵazgika na ŵanthu ŵakupambanapambana kuyana na munthu uyo wakuzunulika mu Baibolo. Pakuŵazga ŵanthu aŵa ŵakudidimizga fundo apo mphakwenelera na kuyowoya nga umo ŵanthu aŵa ŵakajipulikiranga mwakuti uthenga wa mu Baibolo upulikikwe makora.

Kasi ŵanji ŵasanga chandulo wuli na Baibolo lakuchita kutegherezga? Ŵanandi awo ŵakutegherezga pafupipafupi likuŵawovwira kuti ŵawonenge Mazgu gha Chiuta kuŵa ghanadi kwa iwo. Para ŵakupulika ŵanthu ŵakupambanapambana awo ŵakuŵazga, vikuŵa nga ŵakuwona ivyo vikuchitika ndipo ivi vikuŵawovwira kuti ŵapulikiskenge makora ivyo vyalembeka. (Zi 4:5) Ŵanandi para ŵakutegherezga Baibolo lakuchita kujambura likuŵawovwira kuti ŵajipulikengeko makora para ŵakwenjerwa.—Sa 94:19.

Para tikutegherezga Mazgu gha Chiuta agho ghakuŵazgika mwakukwezga tikukhwaskika chomene. (2Mi 34:19-21) Usange Baibolo lose panji chigaŵa waka lakuchita kujambura lilipo mu chiyowoyero icho mukuchipulika, mungachita makora kutegherezga pafupipafupi.

WONELERANI VIDIYO YA MUTU WAKUTI, BAIBOLO LAKUCHITA KUTEGHEREZGA—YAKUDUMURA, NDIPO PAMANYUMA ZGORANI FUMBO ILI:

Kasi ntchivichi chikumukondweskani pakuyowoya za Baibolo lakuchita kutegherezga?