Ivyo Vingamovwirani Kuti Muŵazgenge Baibolo Zuŵa Lililose

Chifukwa chakuti tose tili na vyakuchita vinandi, kasi nyengo zinyake vikumusuzgani kulondezga ndondomeko yinu yakuŵazga Mazgu gha Chiuta zuŵa lililose? (Josh. 1:8) Para ni nthena, yezgani masachizgo ghakulondezgapo agha:

• Jiŵikirani chinthu chakuti chimukumbuskaninge. Mungathyera alamu pa foni yinu kuti yimukumbuskaninge kuŵazga Baibolo.

• Ŵikani Baibolo linu pa malo ghakuwonekera. Usange mukuŵerenga Baibolo lakuchita kupulinta, muliŵikenge pa malo apo mphakuti zuŵa lililose mungaliwonanga.—Doto. 11:18.

• Mutegherezgenge Baibolo lakuchita kujambura. Mutegherezgenge apo mukuchita milimo yinu ya zuŵa na zuŵa. Tara uyo ni mupayiniya kweniso mama uyo wakugwira ntchito usiku wakuti, “Kutegherezga Baibolo lakuchita kujambura apo nkhuchita milimo ya pa nyumba, kukunovwira kuti ndondomeko yane yakuŵazga Baibolo zuŵa lililose yiŵe yakukhazikika.”

• Kuleka yayi nanga mungatangwanika. Usange vinthu vyamabuchi vyamutimbanizgani, yezgayezgani kuŵerenga nanga ghangaŵa mavesi ghachoko waka pambere mundagone. Manyani kuti nanga mungaŵazga mavesi ghachoko waka, kweni mungasanga chandulo.—1 Pet. 2:2.