Kasi Ŵakaboni ŵa Yehova Ŵakupokera Munkhwala ku Chipatala?

Enya. Ŵakaboni ŵa Yehova ŵakuluta ku chipatala na kupokera munkhwala. Ŵakujipwelelera ndipo para ŵalwara ŵakuluta kwa “dokotala.” (Luka 5:31) Luka wakaŵa dokotala. Ŵakaboni ŵa Yehova ŵanyake mazuŵa ghano ni madokotala.—Ŵakolose 4:14.

Ŵakaboni ŵa Yehova ŵakukana nthowa zakuchizgira matenda izo zikususkana na ivyo Baibolo likuyowoya. Baibolo likuti tikwenera kuziŵizga ndopa, lekani tikukana kupokera ndopa. (Milimo 15:20) Kweniso Baibolo likukanizga nthowa yiliyose yakuchizgira iyo njakukhwaskana na mizimu.—Ŵagalatiya 5:19-21.

Pali nthowa zinandi zakuchizgira matenda izo zikukolerana na fundo za mu Baibolo. Kweni munthu ni mwanangwa kusankha. Kaboni munyake wangazomera kupoka munkhwala unyake apo munyake wangakana.—Ŵagalatiya 6:5.