LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • ijwbq nkhani 91
  • Chifukwa Wuli Pali Visopa Vinandi Vyachikhristu?

Vidiyo palije.

Phepani, pali suzgo linyake.

  • Chifukwa Wuli Pali Visopa Vinandi Vyachikhristu?
  • Mafumbo Agho Baibolo Likuzgora
  • Mitu Yichoko
  • Nkhani Zakuyanako na Iyi
  • Ivyo Baibolo likuyowoya
  • Cipulikano Cimoza Caunenesko Ciliko Nadi
    Gongwe la Mulinda Likupharazga Ufumu wa Yehova—2003
  • Ntchakuzirwa Chomene Kuyaniska Ivyo Mukugomezga na Ivyo Baibolo Likuyowoya
    Gongwe la Mulinda Likupharazga Ufumu wa Yehova (Lakugaŵira)—2016
  • Ndi Mwauli Umo Mungasangira Cisopa Caunenesko?
    Kasi Ncici Ico Ciuta Wakukhumba kwa Ise?
  • Kasi Mungamanya Wuli Cisopa Caunenesko?
    Gongwe la Mulinda Likupharazga Ufumu wa Yehova—2011
Wonani Vinyake
Mafumbo Agho Baibolo Likuzgora
ijwbq nkhani 91
Matchalitchi gha visopa vyakupambanapambana

Chifukwa Wuli Pali Visopa Vinandi Vyachikhristu?

Ivyo Baibolo likuyowoya

Ŵanthu ŵakugwiliskira ntchito ivyo Yesu Khristu wakasambizganga kuti ŵambiske visopa “Vyachikhristu” vyakupambanapambana. Ndipouli, Baibolo likulongora kuti pali chisopa chimoza pera cha Chikhristu icho ntchaunenesko. Wonani vifukwa vitatu ivyo vikulongora kuti fundo iyi njaunenesko.

  1. Yesu wakati iyo wakasambizganga “unenesko,” ndipo Ŵakhristu ŵakwambilira nawo pakuyowoya za chisopa chawo ŵakati ni “unenesko.” (Yohane 8:32; 2 Petrosi 2:2; 2 Yohane 4; 3 Yohane 3) Fundo izi zikulongora kuti awo ŵakusambizga visambizgo ivyo vikususkana na ivyo Yesu wakasambizganga, ndikuti ŵali mu chisopa chaunenesko yayi.

  2. Baibolo likusambizga kuti Ŵakhristu wose ‘ŵayowoyenge mwakuzomerezgana.’ (1 Ŵakorinte 1:10) Kweni vikulongora kuti visopa vinandi vikukolerana yayi pa nkhani ya ivyo Mkhristu wakwenera kuchita. Ntheura tingati visopa vyanthena ni vyautesi.​—1 Petrosi 2:21.

  3. Yesu wakayowoyerathu kuti ŵanthu ŵanandi ŵazamujichema Ŵakhristu kweni ŵazamutondeka kupulikira malango ghake ndipo iyo wazamuŵakana. (Mateyu 7:21-23; Luka 6:46) Iyo wakatiso ŵanthu ŵanyake ŵazamupuluskika na ŵalongozgi ŵa visopa awo ŵakubendezga kusopa kwaunenesko na chilato chakuti ŵasange ivyo ŵakukhumba. (Mateyu 7:15) Kweniso wakati ŵanyake ŵazamusankha kulondezga visopa vyautesi na chilato chakuti ŵakapulike ivyo ŵakukhumba nakale kupulika, m’malo mwakupulika unenesko wa mu Baibolo.​—2 Timote 4:3, 4.

Yesu wakayowoyerathu kuti pazamuwuka ŵakususka pakati pa Ŵakhristu ŵaunenesko, apo wakayowoya ntharika ya tirigu na duru. (Mateyu 13:24-30, 36-43) Iyo wakati kwa nyengo yitali chizamuŵa chakusuzga kumanya mphambano pakati pa Ŵakhristu ŵaunenesko na Ŵakhristu ŵatesi. Nga umo Yesu wakayowoyera, ŵapositole ŵati ŵafwa pakawuka ŵakugaluka ŵanandi. (Milimo 20:29, 30) Nangauli visambizgo vya ŵachigaluka vingapambana, kweni unenesko ngwakuti visopa vyose vyautesi ivi, vili ‘kupatukako ku unenesko.’​—2 Timote 2:18.

Yesu wakayowoyaso kuti para pajumpha nyengo, mphambano yizamuwoneka makora pakati pa Ŵakhristu ŵaunenesko na ŵatesi. Ndipo ivi vyachitika nadi mu nyengo yithu yino, iyo “mbumaliro wa nyengo iyi.”​—Mateyu 13:30, 39.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani