Kasi Niŵenge Yumoza wa Ŵakaboni ŵa Yehova Para Nkhusambira Nawo Baibolo?
Yayi, mukwenera kusankha mwekha. Ŵanthu mamiliyoni ghanandi ŵakutemwa kusambira nase Baibolo kweni ŵakuŵa mamembara gha mpingo withu yayi.a Tikusambira Baibolo na ŵanthu kuti ŵamanye ivyo Baibolo likusambizga. Ni udindo winu kumanya chakuchita na ivyo mwasambira. Munthu wakusankha yekha kuteŵetera Chiuta panji yayi.—Joshuwa 24:15.
Kasi ningaŵerenga Baibolo lane pakusambira?
Enya. Palije suzgo kuŵerenga Baibolo linu. Tikutemwa Baibolo la Malemba Ghakupatulika mu Mang’anamuliro gha Charu Chiphya chifukwa ndipusu. Usange mungatemwa Baibolo ili tingamupani kwaulere. Kweni mungasambira uthenga uwemi wa chiponosko mu Baibolo lililose ilo mungaŵa nalo.
Chifukwa wuli mukusambira Baibolo na ŵanthu awo ŵakunjira yayi chisopa chinu?
Chifukwa chikuru ntchakuti tikutemwa Yehova Chiuta, uyo wakukhumba kuti Ŵakhristu ŵasambizgenge ŵanyawo ivyo ŵasambira. (Mateyu 22:40; 28:19, 20) Tikuwona kuti ni mwaŵi ukuru chomene kuŵa “ŵantchito ŵanyake na Chiuta” pakovwira ŵanthu kumanya ivyo Mazgu ghake ghakusambizga.—1 Ŵakorinte 3:6-9.
Chifukwa chinyake ntchakuti tikutemwa ŵazengezgani ŵithu. (Mateyu 22:39) Tikukondwa chomene para tikuphalirako ŵanyithu vinthu vyakukondweska ivyo tasambira.—Milimo 20:35.
a Mu chaka cha ??? tikasambiranga Baibolo na ŵanthu ??? mwezi uliwose, ŵanyake ŵakaŵanga kagulu pakusambira. Kweni ŵanthu ??? pera ndiwo ŵakasankha kubatizika na kuŵa Ŵakaboni ŵa Yehova mu chaka ichi.