Kasi Namwe Muwerenge?

Ŵapharazgi ŵanandi para ŵali mu uteŵeti, ŵakuŵa na nyengo iyo ŵakutemwa kuwelera ku nyumba, comenecomene pa 12 koloko. Mbunenesko kuti cifukwa ca umo vinthu viliri ku ŵanji, ŵakwenera kuleka kupharazga para nyengo iyo ŵakuwelera yakwana. Kweni kasi namwe mukuleka kupharazga cifukwa cakuti ŵanji pa gulu linu ŵakukhumba kuwera, panji cifukwa cakuti mu cigaŵa cinu muli kuzgoŵera kuti para nyengo yakwana 12 koloko mukuleka kupharazga? Kasi mungasazgirako yayi maminiti ghacoko waka kuti mupharazgenge mu nthowa? Kasi pakuluta ku nyumba, mungawelerako yayi kwa munthu munyake uyo mukamupharazgira? Aghanaghanirani waka cimwemwe ico mungaŵa naco para mungasanga munthu yumoza wakunweka pa nyumba panji para mungagaŵira magazini munthu uyo mwakumana nayo mu nthowa! Usange tingalutilira kupharazga kwa maminiti ghacoko waka, tingasazgirako “sembe ya malumbo.”—Heb. 13:15.