Lutilirani Kuŵa Maso Mwauzimu Para Vinthu Vyasintha pa Umoyo Winu

Mu mazuŵa ghaumaliro agha, vinthu vingasintha nyengo yiliyose, ndipo palije uyo wangagwentha. (1Ko 7:31) Kwali takhazganga kwali yayi kweni para vinthu vyasintha, vingatimbanizga kusopa kwithu, kweniso ubwezi withu na Yehova unganangika. Ntchivichi chingatovwira kuti tilutilire kuŵa maso mwauzimu para vinthu vyasintha? Wonelerani vidiyo ya mutu wakuti Lutilirani Kuŵa Ŵakukhora Mwauzimu, pamanyuma zgorani mafumbo agha:

• Kasi dada munyake wakapokera ulongozgi wuli kufuma kwa mubali?

• Kasi fundo iyo yili pa Mateyu 7:25 yikakhwaska wuli mbumba iyi?

• Kasi mbumba yikanozgekera wuli kusamuka ndipo yikawovwirika wuli?

• Ntchivichi chikawovwira mbumba iyi vinthu vyati vyasintha mu mpingo, kweniso ku chigaŵa cha kupharazgako?

Vinthu vikuru ivyo vyasintha pa umoyo wane mwasonosono:

Kuyana na umo vinthu viliri kwa ine, kasi ningalondezga wuli ulongozgi wa mu vidiyo iyi?