SAMBIRO 13

Umo Mungalongolera Chandulo cha Nkhani Yinu

Zintharika 3:21

FUNDO YIKURU: Wovwirani ŵategherezgi ŵinu kumanya umo nkhani yinu yikuŵakhwaskira, kweniso umo ŵangagwiliskira ntchito ivyo ŵasambira.

Ghanaghanirani ŵategherezgi ŵinu. Manyani chifukwa icho ŵategherezgi ŵakwenera kupulika nkhani yinu ndipo ghanaghanirani fundo izo zingaŵawovwira chomene.
Wovwirani ŵategherezgi ŵinu kumanya ivyo ŵakwenera kuchita. Kufuma waka pakwamba, munthu waliyose wakwenera kujipulika kuti, ‘Ŵakunena waka ine kwali.’ Para mukulongosora fundo yiliyose yikuru, longorani umo ŵategherezgi ŵangayilondezgera. Lekani kuyowoya waka mwachisanisani.

Longosorani mwachitemwa kweniso mwalusungu umo ŵangagwiliskira ntchito fundo za mu Baibolo. M’malo mwa kuŵachenya na kujipa mulandu, yowoyani mwachitemwa na kukhozga chipulikano chawo. Gomezgani kuti nawo ŵangasintha na kwamba kuchita icho ntchakwenelera.