Masacizgo

Kwambiska Sambiro la Baibolo pa Cisulo Cakwamba mu Okutobala

“Namwe munganizomerezga kuti mazuŵa ghano umoyo ngufupi comene. Kasi mukughanaghana kuti zuŵa linyake matenda ghazamumara na kuŵa na umoyo utali? [Mulekani wazgore.] Wonani ivyo magazini iyi yikulongosora.” Mupani Gongwe la Mulinda la Okutobala 1, na kudumbiskana kamutu kakwamba pa peji 16. Ŵazganipo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Okutobala 1

Ŵanthu ŵanandi ŵakwenjerwa cifukwa ca vimbundi ivyo vikucitika mu makampani na mu boma. Kasi mukughanaghana kuti cilipo ico cingacitika kuti suzgo iyi yimare? [Mulekani wazgore.] Wonani ivyo vesi ili likuyowoya za umo Yesu wazamucitira na awo ŵakusuzgika cifukwa ca vimbundi. [Ŵazgani Salmo 72:12-14.] Magazini iyi yikulongosora umo vimbundi vimalirenge sonosono.”

Galamukani! Okutobala

“Ŵapapi ŵanandi ŵakukhumba kuti ŵana ŵawo ŵasambire comene. Kasi mukughanaghana kuti ŵawukirano awo ŵamalizga masambiro ghapacanya ŵasuzgikenge yayi? [Mulekani wazgore.] Awonani ivyo Baibolo likuyowoya pa nkhani ya kuzirwa kwa vinjeru na kumanya tunthu. [Ŵazgani Mupharazgi 7:12.] Magazini iyi yili na masacizgo ghankhondi agho ghangawovwira ŵana kucita makora ku sukulu.”