1 Berɛsosɛm
10 Ɛbaa sɛ Filistifoɔ+ ne Israelfoɔ bɛkoeɛ, na Israel mmarima dwane firii Filistifoɔ no anim, na wɔtotɔɔ Bepɔ Gilboa so.+ 2 Filistifoɔ no bɔ puaa Saul ne ne mma no, na Filistifoɔ no kum Saul+ mma Yonatan+ ne Abinadab+ ne Malki-Sua.+ 3 Ɛko no mu yɛɛ den maa Saul; ɛduruu baabi no, agyantofoɔ no nyaa no, na wɔpiraa no.+ 4 Ɛnna Saul ka kyerɛɛ deɛ ɔkura n’akodeɛ+ no sɛ: “Twe wo nkrantɛ+ fa hwire me mu na momonotofoɔ+ yi ammɛyɛ me aninyanneɛ.”+ Nanso n’akodeɛkurafoɔ no ampɛ sɛ ɔyɛ saa,+ ɛfiri sɛ na ehu kɛseɛ aka no. Enti Saul faa nkrantɛ no na ɔhwee so.+ 5 Berɛ a n’akodeɛkurafoɔ no hunuu sɛ Saul awuo no, ɔno nso hwee nkrantɛ so wuiɛ.+ 6 Saa na ɛyɛeɛ a Saul ne ne mma mmiɛnsa ne ne fiefoɔ a wɔka ne ho nyinaa wuwuiɛ.+ 7 Berɛ a Israelfoɔ a wɔwɔ asasetamaa no soɔ nyinaa hunuu sɛ asraafoɔ no adwane, na Saul ne ne mma nso awuwuo no, wɔdwane firii wɔn nkuro no mu;+ ɛnna Filistifoɔ no ba bɛtenatenaa hɔ.
8 Ɛbaa sɛ, adeɛ kyeeɛ no, Filistifoɔ no baa sɛ wɔrebɛyiyi awufoɔ no ho nneɛma,+ na wɔkɔpuee Saul ne ne mma no so sɛ wɔawuwu gu Bepɔ Gilboa+ soɔ. 9 Ɛnna wɔyiyii ne ho nneɛma, na wɔtwaa ne ti,+ faa n’akodeɛ, na wɔkɔɔ Filistifoɔ asase so baabiara kɔbɔɔ wɔn abosom+ ne ɔmanfoɔ no amanneɛ.+ 10 Afei wɔde n’akodeɛ no kɔguu wɔn nyame fie,+ na wɔde ne tikoraa kɔsɛn Dagon fie.+
11 Akyire yi, nnipa a wɔwɔ Yebes+ a ɛwɔ Gilead nyinaa tee deɛ Filistifoɔ de ayɛ Saul.+ 12 Ɛnna mmarima akokoɔdurofoɔ no nyinaa sɔre kɔfaa Saul amu ne ne mma no nso amu, na wɔde baa Yebes bɛsiee wɔn nnompe wɔ dupɔn+ a ɛwɔ Yebes+ no ase; na wɔdii mmuada+ nnanson.
13 Saa na ɛyɛeɛ a Saul wuu ne mmarato mu ɛfiri sɛ wannye Yehowa anni,+ na wanni Yehowa asɛm so; ɔkɔɔ abisa nso wɔ ɔdebisafoɔ+ hɔ. 14 Wanhwehwɛ Yehowa akyiri kwan,+ enti ɔkum no, na ɔde ahennie no maa Yese ba Dawid.+