1 Berɛsosɛm

20 Na ɛbaa sɛ afe kɔ bɛhyiaeɛ,+ na berɛ a ahemfo firi kɔ ɔsa no,+ Yoab dii asraafoɔdɔm no anim+ kɔto hyɛɛ Ammonfoɔ asase so sɛee no, na wɔsan kɔɔ Raba+ kɔtwaa ho hyiaeɛ. Saa berɛ no, Dawid tenaa Yerusalem, na Yoab ne Raba koeɛ+ na ɔsɛee no. 2 Na Dawid yii Malkam abotire firii ne ti,+ na ɔhunuu sɛ emu duro yɛ sika dwetikɛseɛ baako na aboɔden aboɔ nso wom, na wɔde hyɛɛ Dawid ti. Ɔde kuro no mu asadeɛ bebree pa baeɛ.+ 3 Ɔde emu nnipa nso baeɛ, na ɔmaa wɔde+ nnadeɛ a ano yɛ nnam ne akuma paee aboɔ;+ saa na Dawid yɛɛ Ammonfoɔ nkuro nyinaa. Ɛnna Dawid ne dɔm no nyinaa san baa Yerusalem.

4 Yei akyi no, ɛbaa sɛ wɔne Filistifoɔ+ koo wɔ Geser.+ Saa berɛ no, Husani Sibekai+ bɔɔ Sipai a ɔfiri Refaim+ asefoɔ mu no kum no, na wɔdii wɔn so.

5 Na wɔsan ne Filistifoɔ no koeɛ, na Yair ba Elhanan+ bɔɔ Gatni Goliat+ nua Lami kum no; ɔno na na ne pea te sɛ ntomanwemfoɔ nsadua+ no.

6 Wɔsan koo bio wɔ Gat;+ ná ɔbarima tenten kɛseɛ+ bi wɔ hɔ a ne nsateaa ne ne nansoaa yɛ nsia nsia, ne nyinaa si aduonu nnan;+ ɔno nso firi Refaim+ asefoɔ mu. 7 Ná ɔtwa Israel mpoa+ daa, na Dawid nua Simea+ ba Yonatan bɔɔ no kum no.

8 Yeinom yɛ Refaim+ asefoɔ a wɔwoo wɔn Gat,+ na wɔtotɔɔ+ Dawid ne ne nkoa nsam.