1 Berɛsosɛm
29 Ɛnna Ɔhene Dawid ka kyerɛɛ badwa+ no nyinaa sɛ: “Me ba Solomon a Onyankopɔn ayi+ no no yɛ abɔfra,+ na ɔyɛ mmerɛ, nanso adwuma no sõ, ɛfiri sɛ abankɛseɛ no nyɛ onipa dea,+ na mmom Yehowa Nyankopɔn dea. 2 Deɛ m’ahoɔden+ bɛtumi biara, maboaboa ano asie+ ama me Nyankopɔn fie no; sika+ a wɔde bɛyɛ sika nnwuma, dwetɛ a wɔde bɛyɛ dwetɛ nnwuma, kɔbere a wɔde bɛyɛ kɔbere nnwuma, nnadeɛ+ a wɔde bɛyɛ nnadeɛ nnwuma, nnua+ a wɔde bɛyɛ nnua nnwuma; soham+ aboɔ, nhyehyɛmu aboɔ, aboɔ fɛfɛ a wɔde di adwini, aboɔden aboɔ nyinaa, ne alabasta aboɔ pii pa. 3 Me Nyankopɔn fie a m’ani gye ho+ nti, m’agyapadeɛ a ɛsom bo ma me,+ sika ne dwetɛ nyinaa, mede ɛno nso pae so ma me Nyankopɔn fie, mede ka biribiara a maboaboa ano asie ama fie kronkron+ no ho: 4 Ofir+ sika, dwetikɛseɛ mpem mmiɛnsa, ne dwetɛ a wɔapa mu dwetikɛseɛ mpem nson a wɔde bɛdura adan no afasuo ho; 5 sika a wɔde bɛyɛ sika nnwuma, dwetɛ a wɔde bɛyɛ dwetɛ nnwuma, ne deɛ adwumfoɔ de bɛyɛ wɔn nsa ano adwuma nyinaa. Afei, hwan na wayi ne yam sɛ ɔde biribi bɛhyɛ ne nsam ama Yehowa?”+
6 Ɛnna agyanom+ abusuafie mpanimfoɔ+ ne Israel mmusuakuo mpanimfoɔ+ ne apem apem+ ne ɔha ha+ so ahwɛfoɔ ne mpanimfoɔ a wɔhwɛ ɔhene nnwuma+ soɔ no yii wɔn yam de biribi baeɛ. 7 Enti deɛ wɔde bɛboaa nokorɛ Nyankopɔn fie som adwuma nie: sika no yɛ dwetikɛseɛ mpem nnum ne darik mpem du, dwetɛ no yɛ dwetikɛseɛ mpem du, kɔbere dwetikɛseɛ mpem dunwɔtwe ne dadeɛ dwetikɛseɛ mpem ɔha.+ 8 Na aboɔden aboɔ a obiara wɔ no, ɔde bɛkaa Yehowa fie akoradeɛ no ho, na wɔde hyɛɛ Gersonni+ Yehiel+ nsa. 9 Ɛbaa saa no, ɔman no dii ahurisie sɛ wɔfirii wɔn pɛ mu de biribi aba, ɛfiri sɛ akoma nyinaa mu na wɔfiri yii ntoboa maa Yehowa;+ na Ɔhene Dawid nso de anigyeɛ kɛseɛ dii ahurisie.+
10 Ɛnna Dawid hyiraa+ Yehowa wɔ badwa+ no nyinaa anim, na Dawid kaa sɛ: “O Yehowa, yɛn agya Israel+ Nyankopɔn, nhyira nka wo+ daa daa. 11 O Yehowa, wo na kɛseyɛ+ ne tumi+ ne hyerɛn+ ne animuonyam+ ne anidie+ wɔ woɔ; na deɛ ɛwɔ ɔsoro ne asase so nyinaa yɛ wo dea.+ O Yehowa, wo na ahennie+ wɔ woɔ, na wo nso na wokorɔn sene adeɛ nyinaa.+ 12 Wo nkyɛn na ahonya+ ne animuonyam+ fire, na wo na wodi adeɛ nyinaa soɔ;+ tumi+ ne kɛseyɛ+ wɔ wo nsam, na onipa biara kɛseyɛ+ ne n’ahoɔden wɔ wo nsam.+ 13 Afei yɛn Nyankopɔn, yɛda wo ase,+ na yɛyi w’animuonyam+ din no ayɛ.+
14 “Anka me ne hwan,+ na hwan nso ne me man, na yɛanya ahoɔden afiri yɛn pɛ mu ayi ntoboa sei?+ Wo na adeɛ nyinaa wɔ woɔ,+ na wo ara wo nsam na ɛfire na yɛasan de ama woɔ. 15 Yɛn deɛ, yɛyɛ ahɔhoɔ ne atubrafoɔ+ wɔ w’anim sɛ yɛn agyanom nyinaa. Yɛn nna wɔ asase so te sɛ sunsum,+ na anidasoɔ nnim. 16 O Yehowa, yɛn Nyankopɔn, nneɛma bebree a yɛaboa ano de rebɛsi fie ama wo din kronkron yi nyinaa, wo nsam na ɛfire, na ne nyinaa wɔ wo.+ 17 O me Nyankopɔn, menim sɛ wohwehwɛ m’akomam,+ na teeyɛ na ɛsɔ w’ani.+ Me deɛ, m’akomam teeyɛ mu na mayi me yam de nneɛma yi nyinaa ama, na wo man a wɔwɔ ha yi nso, wɔayi wɔn yam de nneɛma aboa ama m’ani agye. 18 O Yehowa, yɛn agyanom+ Abraham, Isak ne Israel Nyankopɔn, ma yei nyɛ wo man akomam nsusuiɛ+ daa daa, na kyerɛ wɔn akoma kwan bra wo nkyɛn.+ 19 Na me ba Solomon nso, ma no akoma a ɛdi mũ,+ na ɔnni wo mmara nsɛm,+ w’adansesɛm+ ne w’ahyɛdeɛ+ so, na ɔnyɛ deɛ ɛsɛ sɛ ɔyɛ nyinaa, na ɔnsi abankɛseɛ+ a maboaboa ho nneɛma ano asie no.”+
20 Ɛnna Dawid ka kyerɛɛ badwa+ no nyinaa sɛ: “Monhyira+ Yehowa mo Nyankopɔn.” Na badwa no nyinaa bɔɔ wɔn mu ase+ de wɔn anim butubutuu fam+ wɔ Yehowa ne ɔhene anim, na wɔhyiraa Yehowa, wɔn agyanom Nyankopɔn no. 21 Na adeɛ kyeeɛ no, wɔtoaa so de nneɛma bɔɔ afɔdeɛ+ maa Yehowa, na wɔbɔɔ ɔhyeɛ afɔdeɛ+ maa Yehowa; wɔde anantwinini nkumaa apem, adwennini apem, adwennini nkumaa apem ne ɛho afɔrebɔ nsã,+ wɔbobɔɔ afɔdeɛ pii maa Israel nyinaa.+ 22 Na saa da no, wɔde anigyeɛ kɛseɛ+ didiiɛ, na wɔnomeeɛ, Yehowa anim; wɔsan sii Dawid ba Solomon hene,+ na wɔsraa no sɛ ɔkannifoɔ+ maa Yehowa, na Sadok+ nso, wɔhyɛɛ no sɔfoɔ. 23 Ɛnna Solomon dii ne papa Dawid adeɛ, na ɔtenaa Yehowa ahennwa+ so dii hene; ɛsii no yie,+ na Israelfoɔ nyinaa yɛɛ setie maa no. 24 Na mpanimfoɔ+ ne nnɔmmarima+ no ne Ɔhene Dawid mma+ no nyinaa nso brɛɛ wɔn ho ase maa Ɔhene Solomon. 25 Yehowa maa Solomon yɛɛ kɛseɛ paa+ wɔ Israel nyinaa ani so, na ɔmaa no nyaa animuonyam n’ahennie mu, na ahemfo a wɔdii n’anim baeɛ mu biara annya bi saa wɔ Israel.+
26 Yese ba Dawid dii Israel nyinaa so hene;+ 27 nna a ɔde dii Israel so hene no si mfeɛ aduanan.+ Ɔtenaa Hebron dii adeɛ mfeɛ nson,+ na ɔtenaa Yerusalem nso dii adeɛ mfeɛ aduasa mmiɛnsa.+ 28 Na ɔwuiɛ a na wabɔ akora,+ na wadi nna amee, na ɔnyaa ahonyadeɛ+ ne animuonyam+ pii; ne ba Solomon bɛdii n’adeɛ.+ 29 Ɔhene Dawid ho nsɛm nyinaa, ne mfitiaseɛ kɔsi n’awieeɛ, wɔatwerɛ ne nyinaa wɔ ɔdehwɛfoɔ+ Samuel ne odiyifoɔ Natan+ ne ɔdehunufoɔ Gad+ nsɛm no mu; 30 ɛne n’ahennie ho nsɛm nyinaa ne ne kɛseyɛ ne nsɛm a ɛsisii ne berɛ+ soɔ ne deɛ ɛsisii Israel ne nsase+ no so ahennie nyinaa mu.