2 Berɛsosɛm

13 Ɔhene Yeroboam afe a ɛtɔ so dunwɔtwe mu na Abia bɛdii Yuda so hene.+ 2 Ɔdii hene mfeɛ mmiɛnsa wɔ Yerusalem. Ne maame din de Mikaia*+ a ɔyɛ Gibeani+ Uriel babaa. Na ɛko bɛdaa Abia ne Yeroboam ntam.+

3 Abia de asraafoɔdɔm, nnɔmmarima mpem ahanan a wɔahyɛ da ayi wɔn+ kɔɔ ɛko no. Na Yeroboam nso de mmarima akokoɔdurofoɔ a wɔn ho yɛ den mpem ahanwɔtwe a wɔahyɛ da ayi wɔn+ kɔhyiaa no. 4 Ɛnna Abia gyinaa Bepɔ Semaraim a ɛwɔ Efraim+ mmepɔ soɔ no atifi, na ɔkaa sɛ: “Yeroboam ne Israel nyinaa, montie me. 5 Enti monnim sɛ Yehowa, Israel Nyankopɔn ne Dawid yɛɛ nkyene apam+ sɛ ɔde Israel ahennie bɛma ɔno+ ne ne mma+ de akɔsi daa? + 6 Nanso Nebat ba Yeroboam,+ Dawid ba Solomon akoa+ no sɔre tiaa+ ne wura.+ 7 Na akwasampafoɔ+ ahuhufoɔ+ boaboaa wɔn ho ano kɔdii n’akyi. Ɛsiane sɛ na Solomon ba Rehoboam+ yɛ abɔfra na ɔnni akokoɔduro+ nti, wɔyɛɛ den senee no, na Rehoboam antumi wɔn.

8 “Na afei mo nso moayɛ mo adwene sɛ mobɛko atia Yehowa ahennie a ɛwɔ Dawid mma nsam+ no, ɛfiri sɛ modɔɔso,+ na sika anantwie mma a Yeroboam de yɛɛ anyame maa mo no ka mo ho.+ 9 Ɛnyɛ mo na moapamo Yehowa asɔfoɔ,+ Aaron mma no, ne Lewifoɔ no? Monsisii mo so asɔfoɔ sɛdeɛ amanaman no ayɛ no?+ Obiara de nantwie ba baako ne adwennini nson ba a, na moayɛ no sɔfoɔ ama anyame huhuo.+ 10 Yɛn deɛ, Yehowa ne yɛn Nyankopɔn,+ na yɛnnyaa no. Aaron mma asɔfoɔ no resom Yehowa, na Lewifoɔ no nso reyɛ wɔn nnwuma.+ 11 Wɔbɔ ɔhyeɛ afɔdeɛ ma Yehowa anɔpa anɔpa ne anwummerɛ anwummerɛ,+ na wɔhye aduhwam.+ Wɔde paanoo gu sika amapa apono so de kyerɛ;+ sika nkaneadua+ a wɔsosɔ ho nkanea anwummerɛ anwummerɛ+ no nso wɔ hɔ, ɛfiri sɛ yɛdi Yehowa yɛn Nyankopɔn ahyɛdeɛ so,+ na mo deɛ, moagya no.+ 12 Na hwɛ! Nokorɛ Nyankopɔn no di yɛn anim,+ ɔne n’asɔfoɔ+ ne ɔsa ntotorobɛnto+ a wɔbɛbɔ agu mo soɔ no. Enti Israel mma, mo ne Yehowa, mo agyanom Nyankopɔn no nnko,+ ɛfiri sɛ ɛrensi mo yie.”+

13 Nanso Yeroboam maa nkurɔfoɔ faa Yuda akyi kɔtɛɛ wɔn, enti yeinom wɔ wɔn anim, na atɛfoɔ no nso wɔ wɔn akyi.+ 14 Berɛ a Yudafoɔ danee wɔn ani no, wɔhunuu sɛ dɔm no wɔ wɔn anim ne wɔn akyi+ nyinaa. Ɛnna wɔsu frɛɛ Yehowa,+ na asɔfoɔ no nso hyɛnee ntotorobɛnto no dendeenden, 15 na Yuda mmarima teateaam dendeenden.+ Na ɛbaa sɛ berɛ a Yuda mmarima teateaam dendeenden no, nokorɛ Nyankopɔn kaa Yeroboam ne Israel mma no nyinaa guiɛ,+ Abia+ ne Yuda anim. 16 Israel mma dwane firii Yuda anim ɛfiri sɛ nokorɛ Nyankopɔn de wɔn hyɛɛ Yuda nsa.+ 17 Na Abia ne ne nkurɔfoɔ kunkum wɔn okunkɛseɛ; Israelfoɔ mmarima a wɔhyɛɛ da yii wɔn no mpem ahanum totɔeɛ. 18 Saa na ɛyɛeɛ a wɔbrɛɛ Israel mma ase saa da no; Yuda mma deɛ, wɔdii nkonim ɛfiri sɛ wɔde wɔn ho too Yehowa, wɔn agyanom Nyankopɔn no so.+ 19 Afei Abia de n’ani sii Yeroboam so, na ɔgyee nkuro yi firii ne nsam: Betel+ ne ɛho nkuro, ne Yesana ne ɛho nkuro, ne Efrain ne ɛho nkuro.+ 20 Yeroboam annya ahoɔden bio+ Abia nna mu. Na Yehowa bɔɔ no+ maa no wuiɛ.

21 Abia deɛ, ɔnyaa ahoɔden+ ara. Ɔwaree yerenom dunan+ na ɔwoo mma mmarima aduonu mmienu+ ne mma mmaa dunsia. 22 Abia ho nsɛm a aka, n’akwan ne nsɛm a ɔkaeɛ no, wɔatwerɛ ne nyinaa wɔ odiyifoɔ Ido twerɛtohɔ no mu.+