2 Berɛsosɛm

5 Na wɔwiee Yehowa fie no ho adwuma a Solomon yɛeɛ no nyinaa,+ na Solomon de nneɛma a ne papa Dawid yɛɛ no kronkron no baeɛ;+ ɔde sika ne dwetɛ ne anwenneɛ no nyinaa bɛguu nokorɛ Nyankopɔn fie adekora adan no mu.+ 2 Saa berɛ no na Solomon boaboaa Israel mpanimfoɔ+ ano baa Yerusalem, mmusuakuo mu atitire+ ne Israelfoɔ agyanom abusuafie+ mpanimfoɔ nyinaa, na ɔka kyerɛɛ wɔn sɛ wɔnkɔfa+ Yehowa apam adaka+ no mfiri Dawid Kuro+ mu, kyerɛ sɛ Sion,+ mmra. 3 Enti Israel mmarima nyinaa boaboaa wɔn ano baa ɔhene nkyɛn wɔ afahyɛ no ase, bosome a ɛtɔ so nson+ no mu.

4 Ɛnna Israel mpanimfoɔ nyinaa baeɛ,+ na Lewifoɔ no kɔsoaa Adaka+ no. 5 Na wɔde Adaka+ no ne ahyiaeɛ ntomadan+ ne anwenneɛ kronkron+ a ɛwɔ ntomadan no mu nyinaa baeɛ. Lewifoɔ asɔfoɔ no na wɔde baeɛ.+ 6 Ná Ɔhene Solomon ne Israel badwa no nyinaa, wɔn a wɔbaa ne frɛ no, wɔ Adaka no anim de nnwan ne anantwie rebɔ afɔdeɛ;+ mmoa no dodoɔ nti wɔantumi ankan wɔn, na wɔantumi ammu wɔn ano. 7 Afei asɔfoɔ no de Yehowa apam adaka no baa ne sibea, pia mu pia+ no mu, Kronkron mu Kronkronbea+ hɔ, na wɔde sii kerubim no ntaban ase.+ 8 Ná kerubim no atrɛtrɛ wɔn ntaban mu, baabi a Adaka no sie no, enti kerubim no kataa Adaka no ne ɛho nnua+ so.+ 9 Ná ɛho nnua no woware, enti na wɔhunu nnua no ti wɔ Kronkronbea hɔ wɔ pia mu pia no anim, nanso na wɔnhu no abɔnten, na ɛhɔ na ɛwɔ de bɛsi nnɛ.+ 10 Hwee nni Adaka no mu, gye aboɔpono+ mmienu a Mose de guu mu wɔ Horeb+ no; da a Israel mma firi Egypt reba+ a Yehowa ne wɔn yɛɛ apam+ no na ɔde guu mu.

11 Na ɛbaa sɛ berɛ a asɔfoɔ no firii adi firii kronkronbea hɔ no, (ná asɔfoɔ a wɔwɔ hɔ nyinaa adwira wɔn ho+—ná ɛnhia sɛ wɔdi wɔn nkyekyɛmu no akyi),+ 12 Lewifoɔ+ nnwontofoɔ a wɔka Asaf+ ne Heman+ ne Yedutan+ ne wɔn mma ne wɔn nuanom ho no, wɔn nyinaa hyehyɛɛ nwera pa, na wɔmemaa nnawuta+ ne asankuo+ ne asankuten+ so bɛgyinagyinaa afɔrebukyia no nifa so; ná asɔfoɔ ɔha aduonu a wɔhyɛne ntotorobɛnto+ ka wɔn ho. 13 Na mmɛnhyɛnfoɔ ne nnwontofoɔ no de nne baako+ maa nnwom so de yii Yehowa ayɛ, daa no ase; wɔhyɛnee mmɛn, na wɔbobɔɔ nnawuta ne nnwontoɔ nneɛma+ de yii Yehowa ayɛ+ sɛ, “ɔyɛ+ na n’adɔeɛ wɔ hɔ daa.”+ Amonom hɔ ara, mununkum+ bɛhyɛɛ fie no, Yehowa fie no mã.+ 14 Mununkum no nti, asɔfoɔ no antumi annyina hɔ ansom,+ ɛfiri sɛ Yehowa animuonyam+ hyɛɛ nokorɛ Nyankopɔn fie no mã.