Hiob

22 Ɛnna Elifas a ɔfiri Teman no buaa sɛ:

 2 “Ɔbarima so wɔ mfasoɔ ma Onyankopɔn?+

Anaa deɛ ɔwɔ nhunumu so wɔ mfasoɔ ma no?

 3 Sɛ woyɛ ɔteneneeni a, ɛma adeɛ nyinaa so Tumfoɔ no ani gye anaa,+

Na mfasoɔ bi wɔ so ma no sɛ wo kwan yɛ pɛ?+

 4 Wo nyamesuro nti ɔbɛka w’anim?

Anaa ɔne wo bɛdi asɛm?+

 5 Wo bɔne mmoroo so dada?+

Na worennyae wo mfomsoɔ no anaa?

 6 Wogye awowa firi wo nuanom nkyɛn kwa,+

Na wɔn a wɔda adagya mpo, wopa wɔn ho ntoma.

 7 Womma deɛ wabrɛ nsuo nnom,

Na deɛ ɛkɔm de no nso, womma no aduane.+

 8 Ɔbarima hoɔdenfoɔ deɛ, asase no yɛ ne dea,+

Na deɛ wɔyɛ animhwɛ di ma no na ɔtena soɔ.

 9 Woma akunafoɔ de nsapan kɔ,

Na nnyanka nso, woma wɔn nsam go.+

10 Ɛno nti na nnomaa mfidie atwa wo ho ahyia,+

Na akomatusɛm a ɛba mpofirem hunahuna woɔ no;

11 Ɛno nti na esum ato woɔ na wonhunu adeɛ,

Na nsuo pii abu afa wo soɔ no.

12 Onyankopɔn nkorɔn sɛ ɔsoro anaa?+

Na afei hwɛ nsoromma nyinaa,+ sɛdeɛ ɛwɔ sorosoro.

13 Nanso woka sɛ: ‘Ɛdeɛn koraa na Onyankopɔn nim?

Ɔbɛtumi afiri sum kabii mu abu atɛn anaa?

14 Mununkum akata ne so, na ɔnhunu adeɛ,

Ɔsoro kɔntɔnkrɔn so na ɔnanteɛ.’

15 Wobɛfa tete kwan so anaa,

Ɛkwan a amumuyɔfoɔ faa soɔ no?

16 Nnipa a wɔhwim wɔn kɔ ansa na wɔn berɛ asõ,+

Wɔn a wɔhwie wɔn fapem+ gu sɛ asutene;

17 Wɔn na wɔka kyerɛ nokorɛ Nyankopɔn sɛ: ‘Firi yɛn nkyɛn kɔ!+

Ɛdeɛn na adeɛ nyinaa so Tumfoɔ no bɛtumi ayɛ yɛn?’

18 Nanso ɔno na ɔde nneɛma pa ahyɛ wɔn afie ma.+

Me ne nnebɔneyɛfoɔ agyinatuo ntam kwan ware.+

19 Ateneneefoɔ bɛhunu na wɔadi ahurisie,+

Na deɛ ne ho nni asɛm bɛdi wɔn ho fɛ sɛ:

20 ‘Ampa ara wɔapepa yɛn atamfo afiri hɔ;

Na wɔn biribiara a aka nso, egya bɛhye.’

21 Fa wo ho bɔ no ɛ, na asomdwoeɛ mmra mo ntam;

Ɛno bɛma woanya nneɛma pa.

22 Bɔ mmɔden gye mmara a ɛfiri n’anom,

Na fa ne nsɛm hyɛ w’akoma mu.+

23 Sɛ wosan ba adeɛ nyinaa so Tumfoɔ no nkyɛn a,+ ɛbɛsi wo yie;

Sɛ wobɛyi amumuyɔ afiri wo ntomadan mu akɔ akyirikyiri,

24 Na wode sika amapa ahyɛ dɔteɛ mu,

Na wode Ofir sika+ ahyɛ nsuo ase abotan mu a,

25 Anka adeɛ nyinaa so Tumfoɔ no nso bɛyɛ sika amapa,

Ne dwetɛ amapa ama wo.+

26 Ɛno na wobɛnya adeɛ nyinaa so Tumfoɔ no mu abotɔyam,+

Na Onyankopɔn na wobɛma w’ani so akyerɛ no.+

27 Anka wobɛsrɛ no, na ɔbɛtie wo,+

Na wo bɔhyɛ adeɛ nso, wobɛtua.+

28 Wobɛbɔ wo tirim, na ɛbɛba mu ama wo,

Na w’akwan nso, hann bɛhyerɛn so.+

29 Nanso sɛ wokasa ahantan so a, ɔbɛbrɛ wo ase;+

Na ɔhobrɛaseni deɛ, ɔbɛgye no nkwa.+

30 Ɔbɛgye deɛ ne ho nni asɛm,+

Na wo nsa ho a ɛteɛ nti, wɔbɛgye wo.”+