Mmebusɛm
22 Din pa na ɛsɛ sɛ wɔyie, na ɛnyɛ ahonyadeɛ+ pii; animuonyam yɛ sene dwetɛ ne sika mpo.+
2 Ɔdefoɔ ne ohiani ahyia.+ Wɔn nyinaa Bɔfo ne Yehowa.+
3 Onitefoɔ ne deɛ ɔhunu mmusuo na ɔde ne ho hunta,+ na ogyimfoɔ deɛ, ɔfa mu, na ɔnya ho asotwe.+
4 Ahobrɛaseɛ ne Yehowa suro—ɛde ahonya ne animuonyam ne nkwa na ɛba.+
5 Nkasɛɛ ne mfidie wɔ onipa kɔntɔnkye kwan mu;+ deɛ ɔhwɛ ne kra twe ne ho firi ho kɔ akyirikyiri.+
6 Tete abɔfra wɔ kwan a ɛfata so;+ sɛ ɔnyini a, ɔremfiri ho.+
7 Ɔdefoɔ na ɔdi ahiafoɔ so,+ na deɛ ɔgye obi hɔ bosea no yɛ akoa ma deɛ ɔbɔ no bosea no.+
8 Deɛ ɔgu amumuyɔ no bɛtwa bɔne,+ na n’abufuo abaa bɛba awieeɛ.+
9 Deɛ ɔhu mmɔbɔ no bɛnya nhyira, ɛfiri sɛ ɔde aduane ma ohiani.+
10 Pamo ɔfɛdifoɔ, na akasakasa bɛgyae, na mansotwe ne animguaseɛ to bɛtwa.+
11 Deɛ ɔdɔ akoma a emu teɛ+ na ne kasa ho wɔ nyam no, ɔhene bɛyɛ n’adamfo.+
12 Yehowa ani hwɛ nimdeɛ so,+ na ɔdane nkontompofoɔ nsɛm ani.+
13 Ɔkwadwofoɔ ka sɛ:+ “Gyata wɔ abɔnten!+ Ɔbɛku me mmɔnten so!”
14 Ɔbaa hohwini ano yɛ amena donkodonko.+ Deɛ Yehowa bo fu no no, ɔno na ɔbɛhwe mu.+
15 Agyimisɛm kyekyere abɔfra akoma ho;+ ntenesoɔ abaa na ɛbɛyi afiri ne ho akɔ akyirikyiri.+
16 Deɛ ɔsisi ohiani de nya ne ho,+ ne deɛ ɔyɛ ɔdefoɔ yie no, ohia na ɛbɛhia wɔn.+
17 Yɛ aso tie anyansafoɔ nsɛm,+ na fa w’akoma to me nimdeɛ so.+ 18 Ɛyɛ sɛ wode bɛsie w’akomam,+ na ne nyinaa ada w’ano.+
19 Deɛ ɛbɛyɛ na wode wo ho ato Yehowa soɔ+ no, wo ara na merema wo nimdeɛ nnɛ.
20 Mentwerɛɛ afotusɛm ne nimdeɛ mmaa wo,+ 21 sɛ fa hunu sɛdeɛ nsɛmpa no yɛ nokorɛ na wode mmuaeɛ a ɛyɛ nokorɛ akɔma deɛ ɔsomaa woɔ no anaa?+
22 Nsisi ohiani, sɛ ɔyɛ ohiani nti,+ na ntiatia mmɔborɔni so wɔ kuro pono ano.+ 23 Yehowa bɛdi wɔn asɛm ama wɔn,+ na wɔn a wɔsisi ahiafoɔ no, Ɔbɛgye wɔn kra afiri wɔn nsam.+
24 Wo ne obufufafoɔ mmfa yɔnkoɔ;+ na wo ne onipa a ne koko ha no mmmɔ, 25 na woansua n’akwan na ansum wo kra fidie.+
26 Nyɛ wɔn a wɔkyeakyea nsam di akagyinamu+ no bi, wɔn a wɔsi awowa+ no. 27 Sɛ wonni deɛ wode bɛtua a, adɛn nti na woreyɛ ama no ayi wo mpa afiri w’aseɛ?
28 Mpiapia ɛhyeɛ a w’agyanom firi tete atwa ato hɔ no.+
29 Woahunu onipa a ne ho akokwa n’adwuma mu? Ahemfo anim na ɔbɛgyina;+ ɛnyɛ onipahunu biara anim na ɔbɛgyina.