Mmebusɛm
21 Ɔhene akoma te sɛ asubɔnten wɔ Yehowa nsam.+ Baabi a ɔpɛ biara na ɔdane korɔ.+
2 Onipa akwan nyinaa tene wɔ n’ani so,+ nanso Yehowa na ɔkari akoma.+
3 Adeteneneeyɛ ne atɛntenenee sɔ Yehowa ani sene afɔrebɔ.+
4 Ahantan aniwa ne ahantan akoma+ ne abɔnefoɔ kanea yɛ bɔne.+
5 Nsiyɛfoɔ nhyehyɛeɛ de mfasoɔ ba,+ na obiara a ɔpere ne ho deɛ, ohia na ɛbɛhia no.+
6 Ademudeɛ a wɔde atorɔ kɛtrɛma nya no yɛ mframa a ɛhu korɔ+ ma wɔn a wɔhwehwɛ owuo.+
7 Abɔnefoɔ amumuyɔsɛm na ɛde wɔn bɛkorɔ,+ ɛfiri sɛ wɔmpɛ sɛ wɔyɛ deɛ ɛtene.+
8 Ɔnanani kwan akyea,+ na ɔteneneeni deɛ, ɔtene ne nnwuma mu.+
9 Ɛyɛ sɛ obi bɛtena ɛdan atifi mantwea baabi+ sene sɛ ɔne ɔyere gyegyefoɔ bɛtena fie baako mu.+
10 Ɔbɔnefoɔ kra kɔn dɔ bɔne;+ ɔrenhu ne yɔnko mmɔbɔ.+
11 Sɛ wɔbɔ ɔfɛdifoɔ ka a, deɛ ɔnni tire no sua nyansa;+ sɛ wɔma onyansafoɔ nhunumu a, ɔnya nimdeɛ.+
12 Ɔteneneeni No de n’ani to fam hwɛ ɔbɔnefoɔ fie;+ ɔtutu abɔnefoɔ ase ma wɔhunu mmusuo.+
13 Deɛ ɔsisi n’aso ɔbrɛfoɔ su ho+ no, ɔno nso bɛfrɛ, na wɔrennye ne so.+
14 Kokoam adekyɛ dwodwo abufuo,+ na kokom adanmudeɛ+ dwodwo abufuhyeɛ.
15 Ɔteneneeni ani gye sɛ ɔbɛdi asɛntenenee;+ asɛnkɛseɛ da hɔ ma wɔn a wɔyɛ adebɔne.+
16 Onipa a ɔdane ne ho firi nhunumu kwan soɔ+ no, awufoɔ asafo mu na ɔbɛhome.+
17 Deɛ ɔdɔ anigyeɛ no bɛdi hia;+ deɛ ɔpɛ nsã ne ngo dodo no, ɔrennya ne ho.+
18 Ɔbɔnefoɔ bɛyɛ agyedeɛ ama ɔteneneeni;+ na nkontomponi bɛsi teefoɔ ananmu.+
19 Ɛyɛ sɛ obi bɛtena serɛ so sene sɛ ɔne ɔyere gyegyefoɔ a ɔhyɛ abufuo bɛtena.+
20 Ademudeɛ a ɛsom boɔ ne ngo wɔ onyansafoɔ tenabea,+ na ɔkwasea deɛ, ɔsɛe no.+
21 Deɛ ɔhwehwɛ tenenee ne adɔeɛ+ no, ɔbɛnya nkwa ne tenenee ne animuonyam.+
22 Onyansafoɔ foro kɔ nnɔmmarima kuro mu, na ɔdwiri ahoɔden a wɔde wɔn ho to soɔ no gu.+
23 Deɛ ɔkora n’ano ne ne kɛtrɛma no, ɔkora ne kra firi ahohia mu.+
24 Deɛ ɔyɛ ahantan n’abufuo mu no, wɔbɛfrɛ no ɔhantanni ne ɔhohoahoafoɔ.+
25 Ɔkwadwofoɔ akɔnnɔ na ɛbɛku no, ɛfiri sɛ ɔmfa ne nsa nyɛ adwuma.+ 26 Ne kɔn dɔ daa; ɔteneneeni deɛ, ɔma, na ɔnkame hwee.+
27 Abɔnefoɔ afɔrebɔ yɛ akyiwadeɛ.+ Na sɛ ahohwibra+ bata ho de a, ɛnyɛ koraa.
28 Ɔdansekunumufoɔ bɛyera,+ na onipa a ɔtie asɛm no, ɔbɛkasa daa.+
29 Ɔbɔnefoɔ atõtõ n’ani awe,+ na ɔteneneeni deɛ, ɔbɛma n’akwan atim daa.+
30 Nyansa ne nhunumu ne afotuo bi nni hɔ a ɛne Yehowa bɛdi asie.+
31 Wɔsiesie pɔnkɔ ma ɛko da,+ na nkwagyeɛ deɛ, ɛwɔ Yehowa nsam.+