Ɔsɛnkafoɔ

8 Hwan na ɔte sɛ onyansafoɔ?+ Na hwan na ɔnim biribi ase kyerɛ?+ Onipa nyansa ma n’anim hyerɛn, na n’anim a amuna no dane animteɛ.+

2 Deɛ mereka ne sɛ: “Obuo a wowɔ ma Onyankopɔn ntam nti,+ di ɔhene ahyɛdeɛ so.+ 3 Mpere wo ho mfiri n’anim nkɔ.+ Nnyina adebɔne mu,+ na deɛ ɔpɛ sɛ ɔyɛ biara, ɔbɛyɛ,+ 4 ɛfiri sɛ ɔhene anom asɛm na ɛwɔ tumi;+ na hwan na ɔbɛtumi aka akyerɛ no sɛ: ‘Ɛdeɛn na woreyɛ yi?’”

5 Deɛ ɔdi ahyɛdeɛ soɔ no, bɔne bi remma ne so,+ na onyansafoɔ akoma bɛhunu berɛ ne atemmuo.+ 6 Berɛ ne atemmuo wɔ hɔ ma adeɛ biara,+ ɛfiri sɛ amanehunu dɔɔso wɔ adasamma so.+ 7 Obi nnim ɔkyena asɛm,+ na deɛ ɛbɛba no, hwan na ɔbɛtumi akyerɛ sɛdeɛ ɛbɛba?

8 Ɔdasani biara nni ne honhom so tumi a ɔde bɛsi honhom+ no kwan; saa ara nso na obiara nni owuda so tumi;+ na ahofadie biara nni akodie no mu.+ Amumuyɔdeɛ nso ntumi nnye amumuyɔfoɔ nkwa.+

9 Yei nyinaa mahunu, na mede m’akoma adi adwuma biara a wɔyɛ no owia ase no akyi; ɛberɛ no mu na onipa di onipa so ma ɛwie no bɔne.+ 10 Yei te saa deɛ, nanso mahunu nnebɔneyɛfoɔ sɛ wɔasie wɔn,+ na mahunu sɛdeɛ wɔbaeɛ ne sɛdeɛ wɔfirii kronkronbea+ hɔ kɔeɛ, na nnipa werɛ firii wɔn wɔ kuro a wɔyɛɛ wɔn nneyɛɛ no wom no mu.+ Yei nso yɛ ahuhudeɛ.

11 Nnebɔne a wɔmmu ho atɛn ntɛm+ nti, nnipa mma ayɛ wɔn adwene sɛ wɔbɛdi bɔne.+ 12 Sɛ ɔbɔnefoɔ yɛ bɔne+ mprɛ ɔha, na ɔtena ase kyɛ sɛdeɛ ɛsɔ n’ani mpo a, menim sɛ ɛbɛsi wɔn a wɔsuro nokorɛ Nyankopɔn no yie,+ osuro a wɔwɔ+ no nti. 13 Na ɔdebɔneyɛfoɔ deɛ, ɛrensi no yie+ koraa; ne nna te sɛ sunsum,+ na ɔrentumi mma no nyɛ tenten, ɛfiri sɛ ɔnsuro Onyankopɔn.+

14 Ahuhudeɛ bi wɔ asase so; ɛne sɛ ateneneefoɔ bi wɔ hɔ a deɛ ɛfata nnebɔneyɛfoɔ nnwuma na ɛto wɔn,+ na nnebɔneyɛfoɔ bi nso wɔ hɔ a, deɛ ɛfata ateneneefoɔ nnwuma na ɛto wɔn.+ Mekaa sɛ yei nso yɛ ahuhudeɛ.

15 Ɛnna mekamfoo anigyeɛ,+ ɛfiri sɛ nnipa wɔ hɔ yi, adepa biara nni hɔ mma wɔn owia ase sɛ wɔbɛdidi na wɔanom na wɔagye wɔn ani; yei na ɛka wɔn ho wɔn brɛ mu, wɔn nkwa nna+ a nokorɛ Nyankopɔn de ama wɔn owia ase+ no nyinaa mu. 16 Yei mu deɛ, mede m’akoma+ hwehwɛɛ nyansa sɛ mɛhunu nnwuma a wɔyɛ no asase soɔ,+ ɛfiri sɛ obi wɔ hɔ a nna nkɔ n’ani so awia ne anadwo nyinaa.+

17 Na mehunuu nokorɛ Nyankopɔn no nnwuma nyinaa,+ sɛ adasamma ntumi nhunu adwuma a wɔayɛ no owia ase no;+ adasamma brɛ wɔn ho daa hwehwɛ mu, nanso wɔnhunu.+ Sɛ wɔka sɛ wɔyɛ anyansafoɔ nti wɔbɛhunu+ mpo a, wɔrenhunu.+