Hiob

 2 “Wohwɛ a, onyansafoɔ de nsɛm a aba nnim* bɛyi n’ano?

Anaa ɔde apueeɛ mframa bɛhyɛ n’afuru ma?

 3 Sɛ wode nsɛm nko ara kasa kyerɛ yɛn a, ɛrenkɔsi hwee,

Na mfasoɔ biara nni kasa hunu so.

 4 Wobu Onyankopɔn suro animtia,

Na woma ɛyɛ den ma nkurɔfoɔ sɛ wɔbɛdwene Onyankopɔn ho.

 5 Ɛfiri sɛ wo mfomsoɔ na ɛma wokasa saa,*

Na wode kɛtrɛmadɛ daadaa nkurɔfoɔ.

 6 Wo ara w’ano na ɛbu wo fɔ, na ɛnyɛ me;

Wo ara w’ano na ɛdi adanseɛ tia wo.+

 7 Adɛn, wone onipa a wɔdii kan woo no?

Anaa wɔwoo wo ansa na nkokoɔ reba?

 8 Adɛn, Onyankopɔn ka ne tirim asɛm kyerɛ wo?

Anaa ɛyɛ wo sɛ wo nko ara na wonim nyansa?

10 Deɛ wafu dwene ne akɔkoraa wɔ yɛn mu,+

Mmarima a wɔanyini sene wo papa mpo.

11 Adɛn, Onyankopɔn awerɛkyekyerɛ sua ma wo?

Anaa asɛm a yɛne wo ka no bɔkɔɔ no sua ma wo?

12 Adɛn nti na wodi w’akoma akyi?

Na adɛn nti na abufuo ama w’ani ayɛ kɔɔ saa?

13 Woama wo bo afu Onyankopɔn,*

Na woama nsɛm a ɛte saa apue afiri w’anom.

14 Ɛbɛyɛ dɛn na onipa dasani ho ate,

Na obi a ɔbaa awo no ayɛ ɔteneneeni?+

15 Hwɛ! N’akronkronfoɔ* koraa, ɔnnye wɔn nni,

Na ɔsoro mpo, ɛho nte wɔ n’ani so.+

16 Ɛnneɛ obi a ɔyɛ akyiwadeɛ na waporɔ,+

Onipa a ɔnom amumuyɛ sɛ nsuo deɛ, ɔbɛbu no sɛn?

Deɛ mahunu no, mɛka akyerɛ wo.

18 Deɛ anyansafoɔ te firii wɔn papanom hɔ a wɔde ato dwa+

A wɔamfa ansie no, mɛka akyerɛ wo.

19 Wɔn nko ara na wɔde asaase no maa wɔn,

Na hɔhoɔ biara antwam amfa wɔn mu.

20 Ɔbɔnefoɔ fa ateetee mu ne nna nyinaa;

Otirimuɔdenfoɔ hunu amane ne nkwa nna nyinaa.

21 Ɔte nnyegyeeɛ a ɛyɛ hu wɔ n’asom;+

Asomdwoeɛ berɛ mu na akorɔmfo-werɛmfoɔ ba ne so.

22 Ɔnnye nni sɛ ɔbɛtete ne ho afiri sum mu;+

Sekan na ɛbɛdi ne nam.

24 Amanehunu ne ahoyera hunahuna no daa;

Ɛbu fa ne so te sɛ ɔhene a wayɛ krado rekɔko.

25 Ɛfiri sɛ ɔma ne nsa so tia Onyankopɔn,

Na ɔyɛ ne ho sɛ ɔkorɔn sene adeɛ nyinaa so Tumfoɔ no;

26 Ɔyɛ aniammɔnho de ne kyɛm pipiripie* a ɛyɛ den no

Kɔ ne so;

27 N’afono nyinaa atotɔ,

Na n’afuru ayɛ kɛse;

28 Nkuro a ɛbɛsɛe na ɔbɛtena mu;

Afie a obiara rentena mu

A ɛbɛdane aboɔ asum hɔ na ɔbɛtena mu.

29 Ɔrennya ne ho, na n’ahodeɛ rennɔɔso,

Na n’agyapadeɛ rentrɛ wɔ asaase so.

30 Ɔrentete ne ho mfiri sum mu;

Egyaframa bɛma ne nkorabata* akusã,

Na Onyankopɔn anom* mframa bɛpra no akɔ.+

31 Ɛnsɛ sɛ ɔfom kwan na ɔde ne werɛ hyɛ adehunu mu,

Ɛfiri sɛ adehunu na ɔbɛnya afiri mu;

32 Ɛrenkyɛ na aba ne so.

Na ne nkorabata renyɛ frɔmfrɔm da.+

33 Ɔbɛyɛ sɛ bobe dua a ɛporo n’aba bunu gu,

Na wayɛ sɛ ngodua a ɛporo ne nhyerɛnee gu.

34 Ɛfiri sɛ abɔnefoɔ* adwabɔ renso aba,+

Na egya na ɛbɛhye wɔn a wɔgye adanmudeɛ* no ntomadan.

35 Wɔnyinsɛn bɔne na wɔwo mmusuo,

Na nnaadaa ahyɛ wɔn yafunu ma.”