Yeremia
8 “Saa berɛ no,” Yehowa asɛm nie, “wɔbɛyiyi Yuda ahemfo nnompe ne ne mpanimfoɔ nnompe ne asɔfoɔ nnompe ne adiyifoɔ nnompe ne Yerusalemfoɔ nnompe afiri wɔn adamena mu. 2 Na wɔbɛbaabaa mu akyerɛ awia ne bosome ne ɔsoro asafo a wɔdɔɔ wɔn, na wɔsom wɔn, na wɔdii wɔn akyi, na wɔhwehwɛɛ wɔn akyiri akwan, na wɔkotoo wɔn no nyinaa.+ Wɔremmoa ano, na wɔrensie. Ɛbɛyɛ sumina* wɔ asaase ani.”+
3 “Abusua bɔne yi nkaefoɔ a wɔbɛnya wɔn tiri adidi mu no, wɔbɛpɛ owuo asene nkwa wɔ baabi a mɛbɔ wɔn ahwete no nyinaa,” asafo Yehowa na aka.
4 “Ka kyerɛ wɔn sɛ, ‘Deɛ Yehowa aka nie:
“Wɔbɛhwe ase a wɔrensɔre bio anaa?
Sɛ baako san n’akyi a, obi foforɔ nso rensan n’akyi anaa?
5 Adɛn nti na saa nkurɔfoɔ yi, Yerusalemfoɔ, nni nokorɛ na wɔkɔ so ara twa nkontompo yi?
Wɔkura nnaadaa mu dendeenden;
Wɔmpɛ sɛ wɔsan wɔn akyi.+
6 Mewɛn m’aso, na mekɔɔ so tieeɛ, nanso wɔanka nokorɛ.
Wɔn mu baako mpo nni hɔ a ɔsakra firii ne bɔne ho, anaa ɔbisaa sɛ, ‘Ɛdeɛn na mayɛ yi?’+
Wɔn mu biara san n’akyi kɔyɛ deɛ obiara yɛ no bi; wɔte sɛ pɔnkɔ a ɔde mmirika rekɔ ɛko.
7 Asukɔnkɔn a ɔwɔ wiem mpo nim ne berɛ;*
Aburuburo ne asomfena ne apatuprɛ* mpo, sɛ berɛ so sɛ wɔbɛsan akɔ baabi a wɔfiri baeɛ a, wɔsan kɔ.
Nanso me ara me man deɛ, wɔnte Yehowa atemmuo ase.”’+
8 ‘Adɛn nti na moka sɛ: “Yɛnim nyansa, na yɛwɔ Yehowa mmara”?*
Deɛ ɛwom ne sɛ, atwerɛfoɔ twerɛdua a ɛnka nokorɛ no,+ atorɔ nko ara na wɔde twerɛ.
Wɔabɔ hu, na wɔbɛkye wɔn.
Hwɛ! Yehowa asɛm na wɔapo yi,
Na nyansa bɛn na wɔwɔ?
10 Ɛno nti, mede wɔn yerenom bɛma mmarima foforɔ,
Na mede wɔn nsaase bɛma nkurɔfoɔ;+
Ɛfiri sɛ ɛfiri kumaa so kɔsi ɔkɛseɛ so, obiara pɛ mfaso bɔne;+
Ɛfiri odiyifoɔ so kɔsi ɔsɔfoɔ so, wɔn nyinaa bu nkurɔfoɔ fa so.+
Nanso asomdwoeɛ biara nni hɔ.+
12 Akyiwadeɛ a wɔayɛ no, ɛyɛ wɔn aniwu anaa?
Ɛnyɛ wɔn aniwu koraa!
Ɛno nti, wɔbɛhwehwe ase wɔ wɔn a wɔahwehwe ase mu.
Na ɛda a mɛba abɛtwe wɔn aso no, wɔbɛsuntisunti,”+ Yehowa na aka.
13 ‘Sɛ meboaboa wɔn ano a, mɛma wɔn awieeɛ aba,’ Yehowa na aka.
‘Bobe aba biara renka wɔ bobe dua so, borɔdɔma biara renka wɔ borɔdɔma dua so, na ɛso nhaban bɛhye.*
Na deɛ mede maa wɔn no bɛfiri wɔn nsa.’”
14 “Yɛtete ha reyɛ dɛn?
Momma yɛmmoaboa yɛn ano na yɛnkɔ nkuro a wɔabɔ ho ban no mu+ na yɛnkɔwuwu wɔ hɔ.
Ɛfiri sɛ Yehowa yɛn Nyankopɔn bɛkunkum yɛn;
Wama yɛn nsuo a awuduro wom sɛ yɛnnom,+
Ɛfiri sɛ yɛayɛ Yehowa bɔne.
16 Wote sɛ atamfo no apɔnkɔ reporo wɔn hwene mu wɔ Dan.
N’apɔnkɔnini sũ
Ma asaase no nyinaa woso.
Wɔba bɛsɛe asaase no ne deɛ ɛwɔ so nyinaa,
Nkuro no ne emu nnipa.”
17 “Na hwɛ, meresoma awɔ aba mo mu,
Awɔ a wɔn ano wɔ borɔ a nkonyaayifoɔ rentumi nnwodwo wɔn,
Na wɔbɛkeka mo,” Yehowa na aka.
18 M’awerɛhoɔ nni aduro;
M’akoma yare.
19 Wɔte me man babaa sufrɛ
Wɔ akyirikyiri asaase bi so sɛ:
“Yehowa nni Sion anaa?
Anaasɛ ne hene nni hɔ?”
“Adɛn nti na wɔde wɔn ahoni a wɔasene hyɛ me abufuo,
Na wɔde ananafoɔ anyamehunu huru me bo?”
20 “Twaberɛ atwam, ahuhuro berɛ aba n’awieeɛ,
Nanso wɔnnyee yɛn!”
Ehu akyekyere me.
22 Balsam ngo* nni Gilead anaa?+
Ɛnneɛ, adɛn nti na wɔnsaa me man babaa yareɛ?+