Hosea

 2 Mommɔ mo maame soboɔ; mommɔ no soboɔ,

Ɛfiri sɛ ɔnyɛ me yere,+ na menyɛ ne kunu.

Ɔnyi n’adwamammɔ* no mfiri ne ho,

Na ɔnyi n’awaresɛeɛ no mfiri ne nufo ntam,

 3 Anyɛ saa a, mɛpa ne ho ama wada adagya te sɛ ɛda a wɔwoo no no.

Mɛma no ayɛ sɛ serɛ so,

Na mɛma no ayɛ sɛ asaase a ɛso awo,

Na mɛma sukɔm aku no.

 4 Na merenhu ne mma mmɔbɔ,

Ɛfiri sɛ wɔyɛ adwaman mma.

Deɛ ɔnyinsɛn wɔn no ayɛ aniwudeɛ,+ ɛfiri sɛ ɔkaa sɛ,

‘Mɛkɔ akɔdi me mpenafoɔ akyi;+

Wɔn na wɔma me m’aduane ne me nsuo,

Ne me kuntu ne me ntoma ne me ngo ne me nsã.’

 6 Enti mede nkasɛɛ bɛgye ban asi wo kwan;

Na mede aboɔ bɛto fasuo asi no kwan,

Sɛdeɛ ɛbɛyɛ a ɔrenhunu kwan.

 7 Ɔbɛti ne mpenafoɔ, nanso ɔrento wɔn;+

Ɔbɛhwehwɛ wɔn, nanso ɔrenhu wɔn.

Na ɔbɛka sɛ, ‘Mɛsan akɔ me kunu a ɔdi kan no nkyɛn,+

Ɛfiri sɛ saa berɛ no, na ɛyɛ ma me sene nnɛ.’+

 8 Wanhunu sɛ me na memaa no hwiit*+ ne bobesa foforɔ ne ngo,

Na wanhunu sɛ me na memaa no dwetɛ pii,

Ɛne sika kɔkɔɔ a wɔde som Baal no.+

 9 ‘Ɛno nti, mɛsan aba, na mabɛgye me hwiit* afiri ne nsam twaberɛ mu,

Na mɛgye me bobesa foforɔ afiri ne nsam berɛ a wɔtete bobe,+

Na mɛyi me kuntu ne me ntoma a ɔde kata n’adagya so no afiri ne ho.

10 Afei mɛma ne ho ada so wɔ ne mpenafoɔ anim,

Na ɔbarima biara nni hɔ a ɔbɛgye no afiri me nsam.+

11 Mɛma n’anigyeɛ nyinaa to atwa,

N’afahyɛ ahodoɔ,+ n’abosome foforɔ, ne home nna, ne ne nnapɔnna nyinaa, ɛtoɔ bɛtwa.

“Ɛyɛ m’akatua; me mpenafoɔ na ɛde maa me.”

Mɛdane no kwaeɛ,

Na wuram mmoa awe.

13 Na mɛma no abu nna a ɔbɔɔ afɔreɛ maa Baal ahoni no ho akonta,+

Nna a ɔde nkawa ne agudeɛ siesiee ne ho, na ɔkɔdii ne mpenafoɔ akyi no.

Na me deɛ, ne werɛ fii me,’+ Yehowa asɛm nie.

14 ‘Ɛno nti, mɛkorɔkorɔ no,

Mede no bɛkɔ serɛ so,

Na mɛkasa ama n’akoma atɔ ne yam.

15 Ɛfiri saa berɛ no rekɔ no, mɛsan de ne bobefuo* ama no,+

Na mɛma no afa Akor Bɔn no mu*+ akɔ anidasoɔ mu;

Ɔbɛgye so wɔ hɔ sɛdeɛ ɔyɛɛ ne mmabaaberɛm no,

Te sɛ berɛ a ɔfiri Egypt asaase so baeɛ no.’+

16 Deɛ Yehowa aka nie: ‘Saa da no,

Wobɛfrɛ me “Me kunu,” na woremfrɛ me “Me wura”* bio.’

17 ‘Mɛyi Baal ahoni no din afiri n’anom,+

Na ɔrenkae wɔn din bio.*+

18 Saa da no, me ne wuram mmoa bɛyɛ apam ama wɔn,+

Na me ne wiem nnomaa, ne mmoa a wɔwea fam bɛyɛ apam ama wɔn;+

Mɛyi agyan ne sekan ne akodie afiri asaase no so,+

Na mɛma wɔatena hɔ dwoodwoo.+

19 Mɛgye wo awareɛ,* na woayɛ me dea daa;

Meka ntam sɛ me ne wo bɛtena tenenee ne atɛntenenee mu,

Na mada ɔdɔ a ɛnni hwammɔ ne mmɔborɔhunu adi akyerɛ wo.+

20 Meka ntam sɛ meremfiri w’akyi da,*

Na wobɛhunu sɛdeɛ me, Yehowa, meteɛ.’+

21 Yehowa asɛm nie: ‘Saa da no, mɛgye so;

Mɛgye ɔsoro so,

Na ɔsoro nso agye asaase so;+

22 Na asaase bɛgye hwiit* ne bobesa foforɔ ne ngo so;

Na weinom nso bɛgye Yesreel* so.+

23 Na mɛdua no sɛ aba wɔ asaase mu afa,+

Na deɛ wɔanhu no mmɔbɔ no, mɛhu no mmɔbɔ,*

Na mɛka akyerɛ wɔn a wɔnyɛ me man* no sɛ: “Woyɛ me man,”+