Mmebusɛm

23 Sɛ wotena ase sɛ wo ne ɔhene rebɛdidi a, susu deɛ ɛwɔ w’anim no ho yie,+ 2 na sɛ woyɛ odidifoɔ a, fa sekan to wo mene mu.+ 3 Mma wo kɔn nnnɔ n’akɔnnɔduane no, na ɛyɛ nnaadaa aduane.+

4 Mmiri wo mogya ani mpɛ ahonyadeɛ.+ Mfa wo ho nto wo nteaseɛ so.+ 5 Ɛno na wode w’ani ato soɔ, berɛ a ɛyɛ adehunu?+ Ɛfu ntaban te sɛ ɔkɔdeɛ na ɛtu kɔ wiem.+

6 Nni ɔyamuɔnwonofoɔ biara aduane,+ na mma wo kɔn nnnɔ n’akɔnnɔduane.+ 7 Sɛdeɛ obi dwene biribi ho sie n’akomam no, saa ara na ɔteɛ.+ Ɔka kyerɛ wo sɛ: “Didi na nom,” nanso ɛmfiri n’akomam.+ 8 Kakra a woadie no, wobɛfe aba, na wo nsɛm dɛdɛ no ayɛ kwa.+

9 Nkasa ngu ɔkwasea asom,+ na ɔbɛbu wo nsɛm a adwene wom no animtia.+

10 Mpiapia ɛhyeɛ a ɛfiri tete no,+ na nkɔ agyanka afuo mu.+ 11 Wɔn Gyefoɔ no ho yɛ den; ɔno na ɔne wo bɛdi ama wɔn.+

12 Fa w’akoma ma ntenesoɔ, na yɛ aso ma nimdeɛ nsɛm.+

13 Mfa ntenesoɔ nkame abɔfra.+ Sɛ wode abaa hwe no a, ɔrenwu. 14 Fa abaa hwe no, na woagye ne kra afiri Adamena* mu.+

15 Me ba, sɛ w’akoma hunu nyansa a,+ me na m’akoma bɛdi ahurisie.+ 16 Na sɛ w’ano ka teeyɛ nsɛm+ a, m’asaabo bɛdi ahurisie.

17 Mma w’akoma ani mmmere abɔnefoɔ,+ na suro Yehowa daa nyinaa.+ 18 Ɛno na ɛbɛsi wo yie daakye,+ na wɔrentwa w’anidasoɔ ntwene.+

19 Enti me ba, tie na yɛ onyansafoɔ, na ma w’akoma mfa ɛkwan no so.+

20 Nkɔka sadweamfoɔ+ ne wɔn a wɔdi nam fuu+ ho. 21 Asabofoɔ ne adidifoɔ no, ɛbɛhia wɔn;+ na nkotɔ de ntomago bɛfira onipa.+

22 Tie wo papa, ɔno na ɔwoo woɔ,+ na mmu wo maame animtia sɛ wayɛ aberewa nti.+ 23 Tɔ nokorɛ+ na ntɔn—tɔ nyansa ne ntenesoɔ ne nteaseɛ nso.+ 24 Anigyeɛ na ɔteneneeni papa bɛnya;+ na onyansafoɔ papa nso bɛdi ne ho ahurisie.+ 25 Wo papa ne wo maame bɛdi ahurisie, na wo maame a ɔwoo woɔ ani agye.+

26 Me ba, fa w’akoma ma me, na ma w’ani nnye m’akwan ho.+ 27 Odwamanfoɔ yɛ amena donkodonko,+ na ɔbaa huhuni yɛ abura hihiaa. 28 Ɔno na ɔtetɛ sɛ ɔdwotwafoɔ;+ na ɔma nkontompofoɔ dɔɔso mmarima mu.+

29 Hwan na ɔwɔ ahohia mu? Hwan na ɔwɔ ahoyera mu?+ Hwan na ntɔkwa ahyɛ no mã? Hwan na ɔwɔ ɔhaw mu? Hwan na wapirapira pira hunu? Hwan na n’ani ayɛ sann? 30 Ɛyɛ wɔn a wɔtena nsã ho kyɛ,+ wɔn a wɔkɔhwehwɛ afrasa.+ 31 Nhwɛ bobesa a ani yɛ kɔɔ a ɛhuru wɔ kuruwa mu, na ɛkɔ yɔɔ no. 32 Akyire yi, ɛka sɛ ɔwɔ,+ na ɛpu borɔ te sɛ ahuritia.+ 33 Wobɛhunu nneɛma wɔ w’ani so, na w’akoma akeka nsɛnhunu.+ 34 Wobɛyɛ sɛ obi a ɔda po mfimfini ne obi a ɔda hyɛnnua soɔ.+ 35 Wobɛka sɛ: “Wɔbɔɔ me, ante me; wɔpem me, na manhunu. Berɛ bɛn na mɛsɔre+ na masan akɔsi me ho so bio?”+