Mmebusɛm

27 Mfa ɔkyena nhoahoa wo ho,+ na wonnim deɛ ɛda de bɛba.+

2 Ma ɔhɔhoɔ nyi wo ayɛ, na ɛnyɛ wo ara w’ano; ma ɔnanani nyɛ, na ɛnyɛ w’anofafa.+

3 Ɛboɔ mu duro ne anwea adeɛ mã+—ɔkwasea agyegyesɛm mu yɛ duru sene ne mmienu nyinaa.+

4 Abufuo yɛ atirimuɔden, na abufuhyeɛ+ te sɛ nsuyire; ninkuntwe deɛ, hwan na ɔbɛtumi agyina animu?+

5 Animka pefee yɛ+ sene ɔdɔ a ahunta.

6 Sɛ ɔdɔfoɔ pira wo a, ɛfiri nokorɛdie mu,+ na ɔtamfo mfeano deɛ, gye sɛ wɔsrɛ.+

7 Ɔkra a wamee tiatia ɛwoɔkyɛm so, na ɔkra a ɛkɔm de no deɛ, adeɛ a ɛyɛ nwono biara yɛ no dɛ.+

8 Sɛdeɛ anomaa a ɔdwane firi ne pirebuo mu teɛ no,+ saa ara na onipa a ɔdwane firi ne tenabea teɛ.+

9 Sɛdeɛ ngo ne aduhwam+ ma akoma di ahurisie no, saa ara na ayɔnkofa mu dɛ a ɛfiri akomam agyinatuo teɛ.+

10 Nnya w’adamfo anaa wo papa adamfo hɔ na nkɔhyɛn wo nua fie w’amanehunu da. Ofipamfoɔ a ɔbɛn yɛ sene onua a ɔwɔ akyirikyiri.+

11 Me ba, yɛ onyansafoɔ, na ma m’akoma ntɔ me yam,+ na manya asɛm abua deɛ ɔtwa me mpoa.+

12 Onitefoɔ hunu mmusuo na ɔde ne ho hunta;+ ogyimfoɔ a ɔfa mu no nya asotwe.+

13 Deɛ ɔdi ɔhɔhoɔ agyinamu no, gye ne ntoma;+ ɔbarima a ɔkɔdi ɔbaa huhuni akyi no, gye no awowadeɛ.+

14 Sɛ obi de nne kɛseɛ hyira ne yɔnko anɔpatutuutu a, wɔbɛbu no sɛ ɛyɛ nnome.+

15 Ɔyere gyegyefoɔ te sɛ ɛdan a ɛnwunu na ɛpamo onipa osutɔ da.+ 16 Obiara a osianka no no sianka mframa, na ngo na ne nsa nifa bɛsɔ mu.

17 Dadeɛ na wɔde se dadeɛ ano. Saa na onipa nso se ne yɔnko anim.+

18 Deɛ ɔhwɛ borɔdɔma dua soɔ no, ɔno nso bɛdi n’aba,+ na deɛ ɔwɛn ne wura no bɛnya anidie.+

19 Sɛdeɛ animu hunu animu wɔ nsuo mu no, saa ara na onipa akoma hunu ne yɔnko deɛ.

20 Adamena* ne ɔsɛeɛ amena+ mmee da,+ na onipa aniwa nso mmee da.+

21 Ɔnanefoɔ kukuo wɔ hɔ ma dwetɛ,+ na fononoo wɔ hɔ ma sika;+ onipa deɛ, sɛdeɛ n’ayeyie teɛ na wɔde hu no.+

22 Sɛ wode wɔmma si ɔkwasea muhumuhu fra ayuo wɔ waduro mu mpo a, ne nkwaseasɛm no remfiri ne mu.+

23 Hunu na hunu wo nnwan yie. Fa w’akoma si wo nnwankuo so;+ 24 na ahonyadeɛ rentena hɔ afebɔɔ,+ na ahemmotire nso rentena hɔ awoɔ ntoatoasoɔ nyinaa mu.

25 Ɛserɛ kɔ, na ɛserɛ foforɔ fifi, na mmepɔ so nhahamma yɛ bebree.+ 26 Nnwammaa ma wo ntoma,+ na mpapo yɛ asase boɔ. 27 Na wobɛnya mmirekyie nufosuo a ɛbɛsõ w’aduane, wo fiefoɔ aduane, ne wo mmaayewa asetenadeɛ.+