17 Mmom sɛdeɛ Yehowa wo Nyankopɔn aka akyerɛ wo no, Hitifoɔ, Amorifoɔ, Kaananfoɔ, Perisifoɔ, Hiwifoɔ, ne Yebusifoɔ no,+ sɛe wɔn pasaa. 18 Sɛe wɔn, sɛdeɛ ɛbɛyɛ a akyiwadeɛ biara a wɔyɛ ma wɔn anyame no, wɔrenkyerɛ mo na monkɔyɛ bi, na moanyɛ bɔne antia Yehowa mo Nyankopɔn.+

2 Ahas bɛdii hene no, na wadi mfeɛ 20, na ɔdii adeɛ mfeɛ 16 wɔ Yerusalem. Wanyɛ deɛ ɛtene wɔ ne Nyankopɔn Yehowa ani so sɛdeɛ ne nana Dawid yɛeɛ no.+ 3 Israel ahemfo akwan so na ɔfaeɛ.+ Afei nso, ɔhyee ɔno ara ne ba mpo wɔ gya mu;*+ enti akyiwadeɛ a amanaman a Yehowa pamoo wɔn firii Israelfoɔ anim yɛeɛ no,+ ɛno ara bi na ɔyɛeɛ.

21 Manase+ bɛdii hene no, na wadi mfeɛ 12, na ɔdii adeɛ mfeɛ 55 wɔ Yerusalem.+ Ne maame din de Hefsiba. 2 Ɔhene no yɛɛ Yehowa ani so bɔne; akyiwadeɛ a amanaman a Yehowa pamoo wɔn firii Israelfoɔ anim+ yɛeɛ no, ɛno ara bi na ɔyɛeɛ.+