13 Yehowa nam n’adiyifoɔ ne adehunufoɔ no nyinaa so+ bɔɔ Israel ne Yuda kɔkɔ sɛ: “Montwe mo ho mfiri mo akwammɔne ho!+ Afei me mmara nsɛm, m’ahyɛdeɛ, ne mmara a mede maa mo agyanom na menam me nkoa a wɔyɛ adiyifoɔ no so de brɛɛ mo no nyinaa, monni so.”

11 “Enti mepa wo kyɛw, ka kyerɛ Yuda mmarima ne Yerusalemfoɔ sɛ, ‘Deɛ Yehowa aka nie: “Hwɛ, mereboaboa mmusuo bi ano* aba mo so, na mabɔ pɔ bi atia mo. Mesrɛ mo, montwe mo ho mfiri mo akwammɔne ho, na monyɛ mo akwan ne mo nneyɛɛ yie.”’”+

15 Na mekɔɔ so somaa me nkoa adiyifoɔ no nyinaa baa mo nkyɛn; mesomaa wɔn mprɛ pii*+ bɛka kyerɛɛ mo sɛ, ‘Mepa mo kyɛw, obiara nsan mfiri ne kwammɔne so+ na monyɛ adepa! Monnkɔdi anyame foforɔ akyi, na monnsom wɔn. Sɛ motie me a, mobɛtena asaase a mede maa mo ne mo agyanom no so daa.’+ Nanso moanyɛ aso amma me, na moantie me.

30 “‘Enti Israel fie, mɛbu mo mu biara atɛn sɛdeɛ n’akwan teɛ,’+ Awurade Tumfoɔ Yehowa asɛm nie. ‘Monsan, montwe mo ho koraa mfiri mo akwammɔne nyinaa ho, na mommma no nnyɛ suntidua mmma mo na asodie ammɛda mo so.

11 Ka kyerɛ wɔn sɛ, Awurade Tumfoɔ Yehowa asɛm nie: ‘“Mete ase yi, m’ani nnye ɔbɔnefoɔ wuo ho;+ deɛ mepɛ ne sɛ ɔbɔnefoɔ bɛsesa n’akwan+ na wanya nkwa.+ Enti monsan, monsan mfiri mo akwammɔne so.+ O Israel fie, adɛn nti koraa na ɛsɛ sɛ mowuwuo?”’+