Yeremia
18 Asɛm a ɛfiri Yehowa hɔ baa Yeremia nkyɛn nie: 2 “Sɔre na siane kɔ ɔnwemfoɔ+ fie, na ɛhɔ na mɛma woate me nsɛm.”
3 Enti mesiane kɔɔ ɔnwemfoɔ fie, na na ɔreyɛ adwuma wɔ ɔnwemfoɔ afidie so. 4 Nanso kukuo* a na ɔnwemfoɔ no de dɔteɛ reyɛ no sɛee wɔ ne nsam. Enti ɔnwemfoɔ no san de dɔteɛ no yɛɛ kukuo* foforɔ sɛdeɛ ɔpɛ.*
5 Ɛnna Yehowa ka kyerɛɛ me sɛ: 6 “‘O Israel fie, merentumi nyɛ mo sɛdeɛ ɔnwemfoɔ yi ayɛ yi anaa?’ Yehowa asɛm nie. ‘Hwɛ! sɛdeɛ dɔteɛ te wɔ ɔnwemfoɔ nsam no, saa ara na mo nso moteɛ wɔ me nsam, O Israel fie.+ 7 Berɛ biara a mɛka sɛ mɛtutu ɔman anaa ahennie bi ase na madwiri agu asɛe no no,+ 8 sɛ saa ɔman no gyae ne bɔne a mekasa tiaeɛ no a, me nso, mmusuo a mabɔ me tirim sɛ mede bɛba wɔn so no, mɛsesa m’adwene.*+ 9 Na berɛ biara nso a mɛka sɛ mɛkyekyere ɔman bi anaa mɛhyehyɛ ahennie bi no, 10 sɛ wɔyɛ bɔne wɔ m’ani so, na wɔantie m’asɛm a, adepa a mabɔ me tirim sɛ mɛyɛ ama wɔn no, mɛsesa m’adwene.’*
11 “Enti mepa wo kyɛw, ka kyerɛ Yuda mmarima ne Yerusalemfoɔ sɛ, ‘Deɛ Yehowa aka nie: “Hwɛ, mereboaboa mmusuo bi ano* aba mo so, na mabɔ pɔ bi atia mo. Mesrɛ mo, montwe mo ho mfiri mo akwammɔne ho, na monyɛ mo akwan ne mo nneyɛɛ yie.”’”+
12 Nanso wɔkaa sɛ: “Ɛho nhia!+ Ɛfiri sɛ deɛ yɛn adwene yɛ yɛn na yɛbɛyɛ,* na obiara bɛyɛ asoɔden ayɛ deɛ n’akoma pɛ.”+
13 Enti deɛ Yehowa aka nie:
“Mesrɛ mo, mo ara monkɔbisa wɔ amanaman no mu.
Hwan na ate saa adeɛ yi bi pɛn?
Israel ɔbaabunu no abɔ mmusuo.+
14 Sukyerɛmma bɛtumi asã wɔ Lebanon mmepɔ so abotan so anaa?
Na nsuo a ɛyɛ nwunu a ɛretene firi akyirikyiri bɛtumi awe anaa?
Ɛfiri sɛ wɔbɔ afɔreɛ* ma adeɛ a mfasoɔ nni so,+
Na wɔma nnipa sunti wɔ wɔn akwan mu, tete akwan no so,+
Na wɔma wɔfa mfikyikwan a ɛso yɛ mmonkyimmɔnka so,*
Obi biara a ɔbɛtwam wɔ hɔ no bɛtɛɛ n’anom ahwɛ, na wawoso ne ti.+
17 Mɛyɛ sɛ apueeɛ mframa, na mabɔ wɔn ahwete atamfo anim.
Wɔn amanehunu da no, mede m’akyi na ɛbɛkyerɛ wɔn, na ɛnyɛ m’anim.”+
18 Na wɔkaa sɛ: “Mommra, momma yɛnkɔbɔ Yeremia ho pɔ,+ ɛfiri sɛ mmara* renyera mfiri yɛn asɔfoɔ nkyɛn, na afotuo remfiri anyansafoɔ nsam, na asɛm rempa adiyifoɔ anom. Mommra, momma yɛnkasa ntia no,* na mommma yɛnntie deɛ ɔreka no.”
19 O Yehowa, yɛ aso ma me,
Na tie deɛ m’atamfo rekeka no.
20 Bɔne na yɛde tua papa ka anaa?
Nanso wɔatu amena ama me nkwa.*+
Kae sɛdeɛ megyinaa w’anim kaa asɛmpa faa wɔn ho
Sɛ dane w’abufuo firi wɔn so no.
Ma wɔn yerenom mma nwuwu, na wɔnyɛ akunafoɔ nso.+
Ma owuyareɛ nkunkum wɔn mmarima,
Na wɔmfa sekan nkunkum wɔn mmeranteɛ wɔ ɛko mu.+
22 Ma akorɔmfo-werɛmfoɔ mmra wɔn so mpofirim
Na wɔnte esu wɔ wɔn afie mu.
Ɛfiri sɛ wɔatu amena de repɛ me ayi me,
Na wɔasunsum mfidie ama me nan.+
Nkata wɔn bɔne so,
Na mpepa wɔn bɔne mfiri w’anim.