Yeremia
17 “Wɔde dadeɛ twerɛdua atwerɛ Yuda bɔne no ato hɔ.
Wɔde dɛnkyɛmmoɔ twerɛdua atwerɛ* agu wɔn akoma pono so
Ne wɔn afɔrebukyia mmɛn ho.
2 Wɔn mma mpo kae wɔn afɔrebukyia ne wɔn abosonnua*+
A ɛwɔ dua kusuu ase ne nkokoɔ atenten so,+
3 Ne mmepɔ a ɛwɔ wuram so no.
Mɛma nkurɔfoɔ afom w’ahodeɛ ne w’agyapadeɛ nyinaa.+
Aane, wo sorɔnsorɔmmea* nso wɔbɛfom, ɛsiane bɔne a akɔ so wɔ wo nsaase nyinaa so nti.+
4 W’agyapadeɛ a mede maa wo no, wo ara wobɛma afiri wo nsa.+
Ɛbɛdɛre afebɔɔ.”
5 Deɛ Yehowa aka nie:
“Nnome nka ɔbarima* a ɔde ne ho to onipa dasani so,+
Deɛ ɔde ne ho to nnipa ahoɔden so,*+
Na n’akoma amane afiri Yehowa ho.
6 Ɔbɛyɛ sɛ dua korɔ a ɛsi serɛ so.
Sɛ berɛ pa ba a, ɔrenhunu,
Mmom ɔbɛtena serɛ so asaase wesee so,
Ne nkyene asaase a obiara ntumi ntena soɔ so.
8 Ɔbɛyɛ sɛ dua a wɔadua wɔ nsuo nkyɛn,
A ne nhini tenetene kɔ nsuo no ho.
Sɛ ɛhyew ba a, ɔrenhunu,
Na n’ahaban bɛyɛ frɔmfrɔm daa.+
Afe a ɛpɛ bɛsi nso, ɔrensuro,
Na ɔrennyae abasoɔ da.
9 Akoma yɛ daadaafoɔ* sene biribiara, na ne ho yɛ ahomete.*+
Hwan na ɔbɛtumi ahunu deɛ ɛwɔ mu?
10 Me, Yehowa, me na mehwehwɛ akoma mu,+
Na mepɛɛpɛɛ onipa tirim adwene* mu,
Sɛdeɛ ɛbɛyɛ a mɛtua obiara ka sɛdeɛ n’akwan
Ne ne nnwuma teɛ.+
Ɛbɛfiri ne nsa wɔ ne nkwa nna mfimfini,
Na awieeɛ no, obiara bɛhunu sɛ ɔyɛ kwasea.”
13 O Yehowa, Israel anidasoɔ,
Wɔn a wɔgya wo hɔ nyinaa ani bɛwu.
Wɔn a wɔwae firi wo ho* no, wɔbɛyɛ sɛ biribi a wɔatwerɛ wɔ mfuturo mu,+
Ɛfiri sɛ Yehowa a ɔyɛ nkwa nsutire no, wɔagya no hɔ.+
14 O Yehowa, sa me yareɛ, na me ho bɛtɔ me.
Gye me, na mɛnya nkwa,+
Ɛfiri sɛ wo na meyi wo ayɛ.
15 Hwɛ! Ebinom ka kyerɛ me sɛ:
“Ɛhe na Yehowa asɛm no wɔ?+
Ma ɛmmra ɛ!”
16 Nanso me deɛ, mansan amfiri w’akyi; mekɔɔ so dii w’akyi sɛ odwanhwɛfoɔ,
Na manhwɛ amanehunu da nso kwan.
Deɛ m’ano aka nyinaa wonim no yie;
Mekaa ne nyinaa wɔ w’anim!
17 Mma ehu nnka me.
Wone me dwankɔbea wɔ amanehunu da mu.
Ma ehu nka wɔn,
Na me deɛ, mma ehu nnka me.
19 Deɛ Yehowa ka kyerɛɛ me nie: “Kɔ na kɔgyina ɔmanfoɔ ponkɛseɛ a Yuda ahemfo fa mu kɔ ba no mu, ne Yerusalem kuro apono nyinaa mu.+ 20 Ka kyerɛ wɔn sɛ, ‘Montie Yehowa asɛm, mo a mofa apono yi mu nyinaa: Yuda ahemfo ne Yudafoɔ nyinaa ne Yerusalemfoɔ nyinaa. 21 Deɛ Yehowa aka nie: “Monhwɛ mo ho* yie, na monnsoa nneɛma biara Homeda, na mommfa mmfa Yerusalem kuro apono mu mmma mu.+ 22 Mommfa nneɛma biara mmpue mmfiri mo fie Homeda, na monnyɛ adwuma biara nso.+ Monte Homeda no ho sɛdeɛ meka kyerɛɛ mo agyanom sɛ wɔnyɛ no.+ 23 Nanso wɔantie, na wɔanyɛ aso. Wɔyɛɛ asoɔden;* wɔantie na wɔannye ntenesoɔ.”’+
24 “‘“Sɛ motie me wɔ biribiara mu,” Yehowa asɛm nie, “na sɛ moamfa nneɛma biara amfa kuro yi apono mu Homeda, na mote Homeda no ho, na moanyɛ adwuma biara saa da no a,+ 25 ɛnneɛ ahemfo ne adehyeɛ a wɔte Dawid ahennwa so+ nso bɛtenatena nteaseɛnam mu ne apɔnkɔ so afa kuro yi apono mu, wɔne wɔn adehyeɛ, Yuda mmarima ne Yerusalemfoɔ;+ na nnipa bɛtena kuro yi mu afebɔɔ. 26 Na nkurɔfoɔ bɛfiri Yuda nkuro ne mmeaeɛ a ɛbembɛn Yerusalem ne Benyamin asaase so+ ne mmepɔ ase+ ne mmepɔ so ne Negeb* aba. Wɔde ɔhyeɛ afɔreɛ+ ne afɔreɛ ahodoɔ+ ne aduane afɔreɛ+ ne ɛhyɛ* ne aseda afɔreɛ bɛba Yehowa fie.+
27 “‘“Na sɛ moantie me ante Homeda no ho, na mosoa nneɛma na mode bɛfa Yerusalem kuro apono mu Homeda a, ɛnneɛ me nso mede gya bɛto n’apono mu, na ɛbɛhye Yerusalem aban a ɛyɛ den no,+ na ɛrennum.”’”+