Yeremia
16 Yehowa asɛm san baa me nkyɛn sɛ: 2 “Nware,* na nnwo mma mmarima ne mma mmaa wɔ ha. 3 Ɛfiri sɛ mma mmarima ne mma mmaa a wɔwo wɔn wɔ ha, ne wɔn maamenom a wɔwo wɔn, ne wɔn papanom a wɔma wɔwo wɔn wɔ asaase yi so no, deɛ Yehowa aka afa wɔn ho nie: 4 ‘Owuyareɛ bɛbobɔ wɔn ama wɔawuwu,+ nanso obiara rensu wɔn, na obiara rensie wɔn. Wɔbɛyɛ sɛ sumina* wɔ asaase ani.+ Sekan ne ɛkɔm na ɛbɛkunkum wɔn,+ na wɔn afunu bɛyɛ aduane ama wiem nnomaa ne asaase so mmoa.’
‘Ɛfiri sɛ mayi m’asomdwoeɛ afiri ɔman yi so,’ Yehowa asɛm nie,
‘Na me dɔ a ɛnni hwammɔ ne me mmɔborɔhunu nso,+ mayi afiri wɔn so.
6 Nnipa atitire ne wɔn a wɔba fam nyinaa bɛwuwu asaase yi so.
Wɔrensie wɔn,
Obiara rensu wɔn,
Obiara remfa adeɛ ntwitwa ne ho mma wɔn, na obiara nso renyi ne tiri ho kwabokwabo mma wɔn.*
7 Obiara remma wɔn a wɔredi awerɛhoɔ no aduane sɛ
Wɔde rekyekye wɔn werɛ wɔ wɔn nkurɔfoɔ a wɔawuwuo no ho;
Na obiara remma wɔn awerɛkyekyerɛ kuruwa sɛ
Wɔnnom wɔ wɔn papa anaa wɔn maame wuo ho.
8 Nkɔ apontoɔ fie ne wɔn
Nkɔtena ase nnnidi nnnom.’
9 “Ɛfiri sɛ deɛ asafo Yehowa, Israel Nyankopɔn no aka nie, ‘Hwɛ, mɛma ahurisie ne ahosɛpɛ nne, ayeforɔkunu ne ayeforɔ nne agyae+ wɔ ha, wɔ mo ani so, wɔ mo berɛ so.’
10 “Sɛ woka nsɛm yi nyinaa kyerɛ ɔman yi a, wɔbɛbisa wo sɛ, ‘Adɛn nti na Yehowa aka mmusuo akɛseɛ yi nyinaa agu yɛn so? Mfomsoɔ bɛn na yɛadi, na bɔne bɛn na yɛayɛ Yehowa yɛn Nyankopɔn?’+ 11 Wo nso ka kyerɛ wɔn sɛ, ‘“Ɛfiri sɛ mo agyanom gyaa me hɔ,”+ Yehowa asɛm nie, “na wɔkɔɔ so dii anyame foforɔ akyi som wɔn, na wɔkotoo wɔn.+ Nanso me deɛ, wɔgyaa me hɔ, na wɔanni me mmara so.+ 12 Mo deɛ, mo bɔne a moayɛ no kyɛn mo agyanom deɛ koraa,+ na mo mu biara yɛ asoɔden di n’akoma bɔne akyi, na ɔntie me.+ 13 Enti mɛto mo afiri asaase yi so akɔ asaase a mo ne mo agyanom nnim soɔ so,+ na ɛhɔ na mobɛsom anyame foforɔ awia ne anadwo,+ ɛfiri sɛ merenhu mo mmɔbɔ.”’
14 “‘Nanso nna bi reba,’ Yehowa asɛm nie, ‘na wɔrenka bio sɛ: “Sɛ́ Yehowa a ɔyii Israelfoɔ firii Egypt asaase so baeɛ no te ase yi!”+ 15 Mmom wɔbɛka sɛ: “Sɛ́ Yehowa a ɔyii Israel firii atifi fam asaase so, ne nsaase a ɔbɔɔ wɔn hwetee so nyinaa so baeɛ no te ase yi!” Na mɛsan de wɔn aba wɔn asaase so, asaase a mede maa wɔn agyanom no.’+
Ɛno akyi no, mɛsoma ama wɔakɔfa abɔmmɔfoɔ pii aba,
Wɔbɛhwehwɛ wɔn wɔ mmepɔ nyinaa so ne nkokoɔ nyinaa so akye wɔn,
Na wɔbɛhwehwɛ wɔn wɔ ntokuro a ɛwɔ abotan mu no mu akye wɔn.
17 Ɛfiri sɛ m’ani hunu deɛ wɔyɛ nyinaa.*
Ɛnhinta me,
Na wɔn bɔne nso, ɛso nkataa wɔ m’anim.
18 Mɛdi kan atua wɔn bɔne ne wɔn amumuyɛ nyinaa so ka,+
Ɛfiri sɛ wɔde wɔn ahoni tantan a nkwa biara nnim* no agu m’asaase ho fĩ.
Na wɔde wɔn akyiwadeɛ no ahyɛ m’agyapadeɛ ma.’”+