Yeremia
15 Na Yehowa ka kyerɛɛ me sɛ: “Sɛ Mose ne Samuel mpo bɛgyina m’anim a,+ merenhu ɔman yi mmɔbɔ.* Pamo wɔn firi m’anim. Ma wɔnkɔ. 2 Na sɛ wɔbisa wo sɛ, ‘Ɛhe na yɛnkɔ?’ a, ka kyerɛ wɔn sɛ, ‘Deɛ Yehowa aka nie:
“Deɛ ɔfata owuyareɛ no, ɔnkɔ mma owuyareɛ nku no!
Deɛ ɔfata sekan no, ɔnkɔ mma sekan nku no!+
Deɛ ɔfata ɛkɔm no, ɔnkɔ mma ɛkɔm nku no!
Na deɛ ɔfata sɛ wɔkye no kɔ no, wɔnkye no nkɔ!”’+
3 “‘Mmusuo nnan* na mede bɛba wɔn so,’+ Yehowa asɛm nie, ‘sekan a ɛbɛkunkum wɔn, nkraman a wɔbɛtwe wɔn ase akɔ, ne ewiem nnomaa ne asaase so mmoa a wɔbɛdi wɔn nam na wɔasɛe wɔn.+ 4 Na deɛ Yuda hene Manase, Hesekia ba no yɛɛ wɔ Yerusalem nti,+ mɛma wɔadane biribi a ɛyɛ hu ama asaase so ahennie nyinaa.+
5 Hwan na ɔbɛhu wo mmɔbɔ, O Yerusalem?
Hwan na ɔbɛkyekye wo werɛ?
Na hwan na ɔbɛgyina abisa sɛdeɛ wo ho teɛ?’
6 ‘Woafiri m’akyi,’ Yehowa asɛm nie.+
‘Wokɔ so ara dane w’akyi kyerɛ me.*+
Enti mɛtene me nsa wɔ wo so na masɛe wo.+
Mahu wo mmɔbɔ ara, afei deɛ mabrɛ.
7 Mɛhu* wɔn so wɔ asaase no apono ano sɛdeɛ wɔhu ayuo* so no.
Mɛkunkum wɔn mma.+
Mɛsɛe me man,
Ɛfiri sɛ wɔmpɛ sɛ wɔsesa wɔn akwan.+
8 Wɔn akunafoɔ bɛdɔɔso wɔ m’anim asene mpoano anwea.
Mɛma ɔsɛefoɔ aba wɔn so awia ketee, na ɔbɛba abaatan ne mmeranteɛ so.
Mede ahoyera ne ehu bɛba wɔn so mpofirim.
Adeɛ nnya nsae, nanso n’awia akɔtɔ;
Ɛde animguaseɛ ne fɛreɛ aba.’*
‘Na wɔn mu kakra a aka no,
Mede wɔn bɛma sekan wɔ wɔn atamfo anim,’ Yehowa na aka.”+
10 O me maame, adɛn koraa na wowoo me?+
Mayɛ onipa a asaase no nyinaa ne me reham na wɔne me retwe manso.
Obiara mmɛbɔɔ me hɔ bosea, na me nso menkɔgyee obiara hɔ bosea;
Nanso obiara redome me.
11 Yehowa kaa sɛ: “Sɛdeɛ ɛteɛ biara, mɛdi aboa wo;
Sɛdeɛ ɛteɛ biara, mɛtwitwa agye wo wɔ ɔhaw berɛ mu,
Na mɛgye wo afiri atamfo nsam wɔ amanehunu berɛ mu.
12 Obi bɛtumi abubu dadeɛ mu asinasini anaa?
Ɔbɛtumi abubu dadeɛ a ɛfiri atifi fam, ne kɔbere mu asinasini anaa?
13 Mɛma nkurɔfoɔ afom wo ho nneɛma ne w’agyapadeɛ;+
Mede bɛma wɔn kwa, wo bɔne nyinaa a woayɛ wɔ wo nsaase nyinaa so nti.
Ɛfiri sɛ m’abufuo asɔ gya,
Na ɛredɛre gu mo so.”+
15 O Yehowa, wo ara wonim.
Kae me, na twa w’ani bɛhwɛ me.
Tua wɔn a wɔretan m’ani no ka ma me.+
Mma mennyera* ɛsiane sɛ wo bo mfu ntɛm nti.
Hunu sɛ wo nti na animguaseɛ yi aba me so.+
Na w’asɛm maa medii ahurisie nyaa anigyeɛ wɔ m’akoma mu,
Ɛfiri sɛ wo din da me so, O Yehowa, asafo Nyankopɔn.
17 Wɔn a wɔregye wɔn ani no, ɛnyɛ adeɛ a metena wɔn mu di ahurisie.+
18 Adɛn nti na yea a medie no nkɔ da, na m’akuro nni aduro yi?
Wɔsa a ɛnsa.
Wobɛyɛ sɛ nsutene daadaafoɔ
A ɛdi hwammɔ ama me anaa?
19 Enti deɛ Yehowa aka nie:
“Sɛ wosan ba a, ɛnneɛ mɛgye wo bio,
Na wobɛgyina m’anim.
Sɛ woyiyi nneɛma a ɛsom bo firi nneɛma hunu mu a,
Wobɛyɛ te sɛ me ara m’ano.*
Wɔn na wɔbɛsan aba wo nkyɛn,
Na ɛnyɛ wo na wobɛsan akɔ wɔn nkyɛn.”
20 “Mɛma woadane kɔbere afasuo a wɔabɔ ho ban ama ɔman yi.+
Ko deɛ, wɔne wo bɛko,
Ɛfiri sɛ medi w’akyi, mɛgye wo, na mayi wo,” Yehowa na aka.
21 “Mɛgye wo afiri abɔnefoɔ nsam,
Na mɛyi wo afiri atirimuɔdenfoɔ nsam.”